پەیامی کورد      ...    گەورەترین کارەساتی مرۆیی لە هێند " ئامارەکانی کۆرۆنا ١٠ بەرابەری ڕاستییەکانە " .

لێکۆڵینەوەیەک ڕایگەیاندووە ئامار و داتای قوربانیانی کۆرۆنایی لە هێند زۆر زیاتر لە ڕاستییەکانە کە دەوڵەت ڕایگەیاندووە .

بە پێی ڕاپۆرتێک لە فڕانس ٢٤ ، ناوەندی لێکۆڵینەوە و توێژینەوەی گەشەسەندنی جیهانی کە ئەمریکی یە ڕایگەیاند : ئامار و داتاکانی قوربانیانی کۆرۆنایی هێند زیاتر لە ١٠ بەرابەری داتاکانە کە دەوڵەتی ئەم ووڵاتە ڕایگەیاندووە . دەوڵەتی هێند ڕایگەیاندووە ئاماری قوربانیانی کۆرۆنایی ئەم ووڵاتە ٤١٥ هەزار کەسە . ئەگەر لێکۆڵینەوەکانی ئەم دامەزراوە ئەمریکییە نزیک لە ڕاستی بێت ئەوە گەورەترین کارەساتی مرۆیی هێند لە دوای سەربەخۆیی ئەم ووڵاتە لە ساڵی ١٩٤٧ ەوە هاتووەتە ئاراوە .

ئەم دامەزراوە ئەمریکییە ووتوویەتی ئامارەکانی خۆی لە لێکدانەوە و توێژینەوە و لێکۆڵینەوەی ڕیژەی تووشبووان و قوربانیانی کۆرۆنا لە هێند بە دەست هێناوە .

بە پێی ئەم ئامارانە قوربانیانی کۆرۆنایی هێند لە نێوان ٣.٤ تاکوو ٤.٧ میلیۆن کەس ە کە ئەمە کارەساتێکی زۆر گەورەی هەژمار دەکرێت

 

 

ئەم بابەتە 11993 جار خوێندراوەتەوە