وەزارەتی بەرگری ئەمریکا : بەڵگەمان نییە لەسەر فەرمانی ڕاستەوخۆی ئێران بۆ هێرشکردنە سەر پێگەکانی ئەمریکا لە عێراق و سووریا
پەیامی کورد ... وەزارەتی بەرگری ئەمریکا : بەڵگەمان نییە لەسەر فەرمانی ڕاستەوخۆی ئێران بۆ هێرشکردنە سەر پێگەکانی ئەمریکا لە عێراق و سووریا
پێنتاگۆن دەڵێت: ئەمریکا فەرمانی ڕاستەوخۆی لە ڕابەری باڵای ئێرانەوە نەبینیوە بۆ هێرشکردنە سەر هێزەکانی ئەمریکا لە ناوچەکەدا.
ئەم لێدوانە دوای زیادبوونی هێرشەکان بۆ سەر پێگەکانی ئەمریکا لە عێراق و سووریا هاتە ئاراوە.
ووتەبێژی پێنتاگۆن بە ڕۆژنامەنووسانی ڕاگەیاند: هیچ بەڵگەیەکمان نییە کە ئێران بە ڕاشکاوی فەرمانی کردبێت هێرشی لەو شێوەیە ئەنجام بدەن.
ناوبراو بە جەختکردنەوە لەسەر ئەم بابەتە، هەروەها ووتی : فەرمانێکی ڕاستەوخۆمان نەبینیوە کە بۆ نموونە ڕابەری باڵای ئێران بڵێت: "بڕۆنە دەرەوە و ئەم کارە بکەن ."
"، بەگوێرەی هەواڵی ئاژانسی ڕۆیتەرز ووتەبێژی پێنتاگۆن ڕایگەیاندووە کە ئەمریکا لە کۆتاییدا ئێران بە بەرپرسیار دەزانێت لەو جۆرە هێرشانەی لەلایەن گرووپە چەکدارەکانەوە "چوونکە ئێران پشتیوانیان لێدەکات.
ئەم بابەتە 11988 جار خوێندراوەتەوە