وەزارەتی تەندرووستی : کۆرۆنا لە ئاستێکی تەشەنە سەندنی مەترسیداردایە
پەیامی کورد ... وەزارەتی تەندرووستی : کۆرۆنا لە ئاستێکی تەشەنە سەندنی مەترسیداردایە
وه‌زاره‌تی ته‌ندرووستی حكوومه‌تی هه‌رێم له‌په‌یامێكدا به‌بۆنه‌ی جه‌ژنی قوربانه‌وه رایگه‌یاند، ڤایرۆسی كۆرۆنا له ئاستێكی مه‌ترسیداری ته‌شه‌نه‌كردندایه و به‌دانانی به‌سك هه‌موان دورده‌بن له‌مه‌ترسیه‌كانی ئه‌و ڤایرۆسه.
وه‌زاره‌تی ته‌ندرووستی له‌په‌یامێكدا رایگه‌یاند، "جه‌ژنی ئه‌مساڵمان له هه‌ڵومه‌رجێكدا به‌ڕێده‌كه‌ین كه هێشتا جیهان به‌ده‌ست په‌تای ڤایرۆسی كۆرۆنا ده‌ناڵێنێت هه‌رچه‌نده هه‌رێمی كوردستان به هه‌وڵ و كۆششی دڵسۆزان له‌ڕێزی پێشه‌وه‌ی ووڵاتان تا ڕاده‌یه‌كی زۆر باش به‌ره‌نگار و ڕووبه‌ڕووی ئه‌م قه‌یرانه‌ی مرۆڤایه‌تی بوه‌ته‌وه، به‌ڵام به‌داخه‌وه ئێستا له ده‌ستپێكی شه‌پۆڵێكی دیكه و هه‌ڵكشان و ته‌شه‌نه‌كردنی ئه‌و په‌تا نه‌گریسه‌ین".
ئه‌وه‌شی خسته‌ڕوو، "وه‌زاره‌تی ته‌ندرووستی له‌ژێر تیشکی هێڵه گشتییه‌كانی به‌رنامه‌ی كاری كابینه‌ی نۆیه‌می حكوومه‌تی هه‌ڕێمی كوردستان له‌ئاستی خزمه‌تگوزاریدا به‌رده‌وامه له پێشكه‌شكردن و باشتركردنی ڕه‌وشی ته‌ندرووستی، به‌تایبه‌تی له‌ڕۆژانی پشووی جه‌ژنی قورباندا ڕێكاره‌كانی خۆپارێزی و چاره‌سه‌ری هاوكاته له‌گه‌ڵ هه‌ڵمه‌تی به‌ره‌نگاربوونه‌وه‌ی ڤایرۆسی كۆڕۆنا له هه‌رێمی كوردستان به‌پێی پلان و به‌رنامه‌ی تۆكمه خزمه‌تگوزاریه‌كان پێشكه‌ش به هاووڵاتیان ده‌كات".
وه‌زاره‌تی ته‌ندرووستی له‌په‌یامێكدا بە هاووڵاتیان ڕادەگەێنێت ، "سوپاستان ده‌كه‌ین بۆ پابه‌ندبوونتان به‌ڕێنماییه ته‌ندرووستیه‌كان له‌ماوه‌ی ڕابردوودا، به‌ڵام له ئێستاشدا ترسناكی بڵاوبوونه‌وه‌ی ئه‌م ڤایرۆسه ته‌واو نه‌بوه و هه‌ر بوونی هه‌یه و له ئاستێكی مه‌ترسیداری ته‌شه‌نه‌كردن دایه، تكایه خۆتان دوور بگرن له قه‌ره‌باڵغی و سه‌ردان و به‌ركه‌وتن و نزیكبوونه‌وه‌ی ڕاسته‌وخۆ، دانانی ماسك زۆر گرینگه و هۆكاری سه‌ره‌كی خۆپارێزیه بۆ خۆت و خانه‌واده و كه‌سانی ده‌ورووبه‌رت، ئه‌و ڕێكارانه‌ی ده‌گیرێته‌به‌ر بۆ سه‌لامه‌تی و پاراستنی ئێوه‌ی خۆشه‌ویسته".
ئەم بابەتە 11990 جار خوێندراوەتەوە