وەزارەتی دارایی و ئابووری هەرێمی کوردستان پەیامێکی گرینگ سەبارەت بە هەڵوەشاندنەوەی هەرجۆرە بڕوانامەیەک بڵاو دەکاتەوە
پەیامی کورد ... وەزارەتی دارایی و ئابووری هەرێمی کوردستان پەیامێکی گرینگ سەبارەت بە هەڵوەشاندنەوەی هەرجۆرە بڕوانامەیەک بڵاو دەکاتەوە
وه‌زاره‌تی دارایی و ئابووری حكوومه‌تی هه‌رێمی كوردستان له‌روونكردنه‌وه‌یه‌كدا رایده‌گه‌یه‌نێت، به پێی یاسا ده‌سه‌ڵاتی هه‌ڵوه‌شاندنه‌وه‌ی هیچ جۆره بڕوانامه‌یه‌كیان نییه و ده‌شڵێت، "ئه‌و فه‌رمانبه‌رانه‌ی خوێندنی به‌یانیان، یاخود له ده‌ره‌وه‌ی ووڵات به بێ مووڵه‌تی خوێندن بڕوانامه‌یان وه‌رگرتوه، لێكه‌وته داراییه‌كانیان هه‌ڵده‌وه‌شێته‌وه".
له‌روونكردنه‌وه‌یه‌كدا وه‌زاره‌تی دارایی و ئابووری رایگه‌یاند، پاڵپشت به یاسای چاكسازی و له مووچه و ده‌ڕماڵه به ژماره (٢) ساڵی ٢٠٢٠ و به نووسراوی (ئه‌نجوومه‌نی وه‌زیران- سه‌رۆكایه‌تی دیوانی ئه‌نجوومه‌نی وه‌زیران) به ژماره (٢٨٧٤) كه به‌رواری ٧/٣/٢٠٢١ ئاراسته‌ی وه‌زاره‌تی دارایی و ئابووری كردوه، باس له چاوخشاندن به‌سه‌رجه‌م مووچه و ده‌ڕماڵه‌ی به‌خشین و ئیمتیازاته‌كانی فه‌رمانبه‌ران ده‌كات، به‌و پێیه وه‌زاره‌تی ئابووری به گشتاندنی ژماره (٧) بۆ گشت وه‌زاره‌ت و فه‌رمانگه‌كانی نه‌به‌ستراو به وه‌زاره‌ت گشتاندنی ده‌ركردوه.
له‌روونكردنه‌وه‌كه‌دا ئه‌وه‌شی خستوه‌ته‌ڕوو، گشتاندنه‌كه ئه‌و فه‌رمانبه‌رانه ده‌گرێته‌وه كه خوێندنی به‌یانیان، یاخود له ده‌ره‌وه‌ی ووڵات به بێ مووڵه‌تی خوێندن به ده‌ر له یاسا و ڕێنمایه به‌ركاره‌كان، بڕوانامه‌یان به ده‌ستهێناوه، سه‌رجه‌م لێكه‌وته داراییه‌كانی هه‌مواركردنی بڕوانامه‌كانیان هه‌ڵده‌وه‌شێته‌وه.
وه‌زاره‌تی دارایی و ئابووری ئه‌وه‌شی خستوه‌ته‌ڕوو، "ئێمه ده‌سه‌ڵاتی هه‌ڵوه‌شاندنه‌وه‌ی هیچ بڕوانامه‌یه‌كمان نییه، له ڕۆژانی داهاتوو ڕوونكردنه‌وه‌ی یاسایی تایبه‌ت به‌و بڕیاره له ئه‌نجوومه‌نی وه‌زیرانه‌وه به فه‌رمی ده‌رده‌چێت".
ئەم بابەتە 11989 جار خوێندراوەتەوە