پەیامی کورد       ...   وەزارەتی دەرەوەی ئێران سەبارەت بە هەڵکردنی ئاڵای کوردستان بەیاننامەیەک بڵاو دەکاتەوە و ڕادەگەێنێت ئەم کارە هەڵەیەکی گەورەی پڕۆتۆکۆڵی بووە

وەزارەتی دەرەوەی ئێران بەیاننامەیەكی لەبارەی بەرزكردنەوەی ئاڵای كوردستان بڵاوكردەوەو ڕایگەیاند، بەهەڵە ئاڵای كوردستانیان لەكاتی سەردانی نێچیرڤان بارزانی سەرۆکی هەرێمی کوردستان بەرزكردۆتەوە.
لەڕوونكردنەوەیەكی وەزارەتی دەرەوەی ئێراندا هاتوە، لەكاتی پێشوازی لە نێچیرڤان بارزانی سەرۆكی هەرێمی كوردستان لە فرۆكەخانەی میهرئاباد لە تاران هەڵەیەكی پرۆتۆكۆڵی كراوەو ئاڵای كوردستان لەبری ئاڵای كۆماری عێراق دانراوە، بەڵام كارە درووستەكە ئەوەبوە لە دیدارە فەرمیەكەی نێوان سەرۆكی ئێران ونێچیرڤان بارزانی ئاڵای عێراق دانراوە.

جەخت لەسەر ئەوەشكراوەتەوە، كە ئێران لەگەڵ یەكپارچەیی خاكی عێراقدایە.

لایخۆشیەوە نازم دەباغ نوێنەری حكوومەتی هەرێم لە تاران ڕایگەیاندووە ، هەڵەیەكی پرۆتۆكۆلی كراوە تەنانەت ئاڵای عێراقیش هەڵنەكراوە بۆیە وەزارەتی دەرەوەی ئێران بەفەرمی ڕوونكردنەوەی داوە.

لەكاتی سەردانیكردنی نێچیرڤان بارزانی سەرۆکی هەرێمی کوردستان بۆ ئێران لە فرۆكەخانە ئاڵای كوردستان لە پێشوازی هەڵكرابوو بەڵام بە داخەوە لە دیداری فەرمی سەرۆكی هەرێم و سەرۆك كۆماری ئێران تەنها ئاڵای عێراق لە پێشوازی یەکەدا دانرابوو.

ئەم بابەتە 11991 جار خوێندراوەتەوە