پەیامی کورد     ...   وەزارەتی دەرەوەی عێراق کاردانەوەی تووند لە بەرامبەر  هێرشەکەی ئەمریکا بۆ سەر حەشدی شەعبی دەگرێتە بەر

وەزارەتی دەرەوەی عێراق ئیدانەی هێرشەکەی ئەمریکا بۆ سەر حەشدی شەعبی دەکات و دەڵێت، حکوومەتی عێراق لێکۆڵینەوە لەو هێرشە دەکات.
ئەمە لە حاڵێکدایە کە پێنتاگون لە بەیاننامەیەکدا ڕایگەیاند هێرشە ئاسمانییەکانی دوێنێی شەو بۆ سەر حەشدی شەعبی پەیامی ڕوونی بایدن بەمەبەستی بەرگریکردن لە بەرژەوەندییەکانی ئەمریکا لە ناوچەکەدایە. 

لە هێرشە ئاسمانییەکانی ئەمریکا بۆ پێگەکانی حەشدی شەعبی لە عێراق و سووریا ٥ چەکدار کوژران. 

وەزارەتی دەرەوەی عێراق لەراگەێندراوێکدا ئاماژەی بەوەشکردوە، هێرشەکەی ئەمریکا بۆسەر هێزێکی حەشدی شەعبی لە ناوچەی قائیمی سنووری نێوان عێراق-سووریا ئیدان دەکەن و جارێکی دیکەش دووپاتی دەکەنەوە کە حکوومەتی عێراق رەتیدەکاتەوە ووڵات ببێتە گۆڕەپانی یەکلاییکردنەوەی ململانێکان و ئەنجامدانی ژمارەیەک هەڵوێست و کاردانەوە پێشێلکردنی سەروەری خاکی عێراق و رێککەوتننامە نێودەوڵەتییەکانە.

ئاماژە بەوەشکراوە، جەخت دەکەنەوە لەپاراستنی سەروەری و یەکێتی خاکی عێراق ئەویش لەرێگەی هەماهەنگی و پەیوەندی دیپلۆماسی بۆ رێگریکردن لە دووبارە بوونەوەی ئەو پێشێلکاریانە.

لای خۆیەوە روانگەی سووری بۆ مافەکانی مرۆڤ بڵاویکردەوە، دوای ئەوەی بەرەبەیانی ئەمڕۆ پێگەیەکی لیوای 14ی حەشدی شەعبی لەسەر سنووری عێراق-سووریا لە لەقائیم کرایە ئامانج، ئاماری کوژراوەکان بۆ 7 کەس لەریزەکانی  کەتائیبی سەید ئەلشۆهەدا بەرزبوەتەوە.

پەیوەست بەم بابەتەش جۆن کێربی، وتەبێژی وەزارەتی بەرگریی ئەمریکا (پنتاگۆن) بە رۆژنامەنووسانی راگەیاندوە، هێرشەکەی ئەمشەو بەفەرمانی جۆ بادین سەرۆکی ئەمریکا ئەنجام دراوە و  "هێرشی ئاسمانیی بەرگریکرانەی وورد"یان لە دژی چەند دامەزراوەیەک لەسەر سنووری نێوان عێراق و سووریا کردوەتە ئامانج، کە لەلایەن گرووپی چەکداری "پاڵپشتیکراوی ئێرانی بەکارهێنراون".

ئەم بابەتە 11987 جار خوێندراوەتەوە