پەیامی کورد     ...  وەزارەتی ناوخۆی هەرێمی کوردستان ڕاگەێندراوێک بڵاو دەکاتەوە

شەوی ١٣/١٢-٣-٢٠٢٢. پاش کاتژمێر ١ی بەرەبەیانى ،١٢ مووشەکی دوورمەودای بالیستیکی لە سنوورەکانی دەرەوەی عیراق, لە رۆژهەڵاتەوە ئاراستەی باڵەخانەی نوێی کۆنسوولخانەی ئەمریکا لە هەولێر کران وناوچە سڤیل نشینەکانی نزیک بارەگای کەناڵی کوردستان ٢٤ و دەورووبەری بەر هێرشەکە کەوتن، دەرئەنجام زەرەر وزیانی ماددی بەر باڵەخانە وخانووەکانی ئەو ناوچەیە کەوتووە وخۆشبەختانە هیچ زیانێکی گیانی نەبووە و تەنیا هاووڵاتییەک بە سووکی بریندار بووە وهیوای سەلامەتی و چاکبوونەوەی خێرای بۆ دەخوازین.

دەزگاکانی پۆلیس وئاسایش دەستیان بە لێکۆلینەوەکان  کردووە و دواتر ڕای گشتی لە ئەنجامەکان ئاگادار دەکەینەوە.

لە کاتێکدا ئەم هێڕشە ترسنۆکانەیە شەرمەزار دەکەین، ھاووڵاتییانی خۆشەویستی پایتەخت و خەڵکی کوردستان دڵنیا دەکەینەوە کە هەولێر ئارامە وهەر بە ئارامی دەمێنێتەوە.

وەزارەتی ناوخۆی حکوومەتی هەرێمی کوردستان