پەیامی کورد     ...   وەزارەتی کارەبای هەرێمی کوردستان ڕاگەێندراوێک سەبارەت بە بڕیاری نوێی پێوەری زیرەک بڵاو دەکاتەوە

وەزارەتی کارەبای هەرێمی کوردستان رایگەیاند، لەسبەی سێشەممە ٢٧ تەموزەوە، ماوەی کوژاندنەوەی پێوەری زیرەک لە ٤٥ خولەکەوە بۆ ٢٠ خولەک کەم دەکرێتەوە و داواش لە هاوبەشانی کارەبا دەکەن لەسنووری ئەو بڕە کارەبایەی بۆیان دیاریکراوە بەکاربهێنن.

وەزارەتی کارەبای هەرێمی کوردستان لەراگەێندراوێکدا ڕایگەیاند : هەر پێوەرێکی زیرەکی هاوبەشی کارەبا بۆ ماڵان ٤٠ ئەمپێر کارەبا بۆ هاوبەشەکە دابین دەکات و، لە ئەگەری بەکارهێنانی کارەبا لەم رێژەیە زیاتر، کارەباکەی بۆ ماوەیەک دەکوژێتەوە، پێشووتر تا دوایی جار دەگەیشتە ٤٥ خولەک.
ئەوەش هاتوە، وەزارەتی کارەبا لە پێناو هاوکاری کردنی هاووڵاتیان و بە دەنگەوە هاتنی داواکارییەکانیان بڕیاریدا، ماوەی کوژاندنەوەی پێوەرەکە لە ٤٥ خولەکەوە بۆ ٢٠ خولەک کەم بکرێتەوە.

وەزارەتی کارەبا داوا لە هاوبەشانی کارەبا دەکات بە پێی ئەم بڕە کارەبایەکە بۆیان دیاریکراوە، بەکار بێنن و یارمەتیدەری بەدیهێنانی دادپەوەری لە پرۆسەی دابەشکردنی کارەبا بن.

ئەم بابەتە 11991 جار خوێندراوەتەوە