پەیامی کورد      ...   وەزارەتی کارەبا سەبارەت بە پێوەری زیرەک بڕیارێکی نوێ دەردەکات

وەزارەتی کارەبا هەرێمی کوردستان رایگەیاند، بڕیاردراوە ماوەی کوژانەوەی پێوەری زیرەک لەکاتی بەکارهێنانی زیاتر لە (٤٠) ئەمپێر، لە ٤٥ خولەکەوە بۆ ٢٠ خولەک کەم بکرێتەوە.

وەزارەتی کارەبا هەرێمی کوردستان لەراگەێندراوێکدا ئاماژەی بەوەشکردوە، بە بڕیاری وەزیری کارەبا، بڕیاردراوە ماوەی کوژانەوەی پێوەری زیرەک لەکاتی بەکارهێنانی زیاتر لە (٤٠) ئەمپێر، لە ٤٥ خولەک بۆ ٢٠ خولەک کەم بکرێتەوە. بۆیە داوا لە هاوبەشانی کارەبا دەکەن پابەندی ئەو بڕە کارەبایە بن.

ئەوەش هاتوە،  لە کاتی کوژانەوەی  پێوەری زیرەکدا، تەنیا پەیوەندی بە هێڵی گەرمی پێوەری زیرەکەوە بکەن.

ئەمڕۆش وەزارەتى کارەبای هەرێمی کوردستان ڕایگەیاند، لە رۆژی ١٥ تەمموزەوە یەکەیەکی دیکەی بەرهەهێنانی کارەبا بەکار دەخرێت، بەوەش کاتژمێرەکانی پێدانی کارەبای نیشتیمانی بۆ ١٦ کاتژمێر کارەبا لە رۆژێکدا زیاد دەکات.

ئەم بابەتە 11992 جار خوێندراوەتەوە