وەزیری تەندرووستی پەیامێکی گرینگ سەبارەت بە کۆرۆنای نوێ بڵاو دەکاتەوە
پەیامی کورد ... وەزیری تەندرووستی پەیامێکی گرینگ سەبارەت بە کۆرۆنای نوێ بڵاو دەکاتەوە
سامان بەرزنجی وەزیری تەندرووستی هەرێمی کوردستان رایگەیاند، لەهەموو شارەکانی هەرێم حاڵەتی گومانئاوی تووشبوون بەکۆرۆنای جۆری گۆڕاوی دێلتا هەیە و حاڵەکانیش دەستنیشانکراوە.
وەزارەتی تەندرووستی هەرێمی کوردستان لەپێگەی تایبەتی خۆی لەتۆڕی کۆمەڵایەتی فەیسبووک لێدوانێکی سامان بەرزنجی وەزیری تەندرووستی بڵاوکردۆتەوە و تێیدا هاتووە، لەهەموو شارەکانی هەرێم حاڵەتی گومانئاوی تووشبوون بەکۆرۆنای جۆری گۆڕاوی دێلتا هەیە و حاڵەکانیش دەستنیشانکراوە.
وەزیری تەندرووستی هەرێم باسی لەوەش کردوە، ئەو جۆرە نوێی خێراتر بڵاودەبێتەوە و لەئێستادا زۆربەی ووڵاتانی گیرۆدەکردوە. داوای لەهاووڵاتیانیش کرد، دووربکەونەوە لەتێکەڵاویی و شوێنی قەرەباڵغ، تەنها لەکاتی پێویست بچن و بابەندبن بەبەکارهێنانی دەمامک و رێنماییەکانی دیکەی کۆرۆنا.
وه‌زاره‌تی ته‌ندرووستی هه‌رێمی كوردستان رایگه‌یاند، له دوێنێوه ١١٢٠٩ پشكنینی كۆرۆنا كراون، له‌نێویاندا ١٣٠٧ تووشبووی نوێی كۆرۆنا تۆماركراون و ٨٢٨ تووشبوو چاكبوونه‌وه، ٧ تووشبووش گیانیان لە دەستداوە.
ئەم بابەتە 11989 جار خوێندراوەتەوە