پەیامی کورد     ...   وەزیری دارایی عێراق سەبارەت بە ناردنی ٢٠٠ میلیار دینار بۆ هەرێم زانیاری نوێ دەخاتەڕوو

وەزیری دارایی عێراق رایگەیاند، لە پرۆژە یاسای بوودجەی عێراق بۆ ساڵی ٢٠٢٢ بەهای هەر بەرمیلێک نەوت بە ٥٠ دۆلار دەخەمڵێنرێت و حکوومەت لەماوەی داهاتوودا بەبەهای ٨ ترلیۆن دینار سەنەداتی دارایی دەخاتەڕوو، دەشڵێت، "رەوانەکردنی بڕی ٢٠٠ میلیار دینار بۆ هەرێمی کوردستان بەشێوەی مانگانە نیە".

عەلی عەلاوی، وەزیری دارایی عێراق ڕایگەیاند : کەبڕیارە لەچەند رۆژی داهاتوودا ناوەڕۆکەکەی بڵاوبکرێتەوە باسی لەوەشکردوە، وەزارەتی دارایی فیدڕاڵ ئامادەکاری بۆ پرۆژەیاسای بوودجە بۆ ساڵی ٢٠٢٢ دەکات و بۆ ساڵی دارایی داهاتوو هەر بەرمیلێک نەوت بە ٥٠ دۆلار دەخەمڵێنرێت.

ئاماژەی بەوەشکردوە، حکوومەت لەماوەی داهاتوودا بەبەهای ٨ ترلیۆن دینار سەنەداتی دارایی دەخاتەڕوو، بەجۆرێک لەماوەی ئەمساڵدا بەبەهای ٢ ترلیۆن دینار سەنەدات دەخرێتەڕوو.

وەزیری دارایی عێراق سەبارەت بە پشکی هەرێمی کوردستانیش لە بوودجەی ئەمساڵ باسی لەوەکردوە، بڕیاری ئەنجوومەنی وەزیران بۆ رەوانەکردنی ٢٠٠ ملیار دینار بۆ هەرێمی کوردستان وەک "سولفە" بەشێوەی مانگانە نیە.

ئەم بابەتە 11990 جار خوێندراوەتەوە