پەیامی کورد     ...   وەزیری دەرەوەی ئێران سەردانی هەرێمی کوردستان دەکات

بەرپرسی پەیوەندییەکانی نێوان ئێران و ھەرێمی کوردستان ووتی، بڕیارە وەزیری دەرەوەی ئێران سەردانی ھەرێمی کوردستان بکات و مەبەست لەو سەردانەش بۆ ئەوەیە پەیوەندییەکانی نێوان ھەرێم و بەغدا زیاتر پەرەی پێ بدرێت و باس لە چەند پرسێکی دیکەش دەکرێت، لەوانە بازرگانی.

عەبدۆلڵا ئاکرەیی، ڕایگەیاند :  "موحەمەد جەواد زەریف، وەزیری دەرەوەی ئێران، ڕۆژی دووشەممە بە سەردانێک و بە یاوەری شاندێکی پایە بەرز دەگاتە بەغدا و ڕۆژی سێشەممەش سەردانی ھەرێمی کوردستان دەکات و ھاتنی وەزیری دەرەوەی ئێران بۆ ھەرێم بۆ چەند مەبەستێکە و خۆیشی چەند جارێک سەردانی ھەرێمی کوردستانی کردووە."

بەرپرسی پەیوەندییەکانی نێوان ئێران و ھەرێمی کوردستان ڕوونیشی کردەوە: "وەزیری دەرەوەی ئێران چوارەم جارە سەردانی ھەرێم دەکات."

ووتیشی: "لەو سەردانەدا پەرەپێدانی پەیوەندییەکانی نێوان ھەرێم و بەغدا و پەیوەندییە بازرگانییەکان و ھەر پرسێکی پەیوەندیی بە ھەردوولاوە هەبێت، باسی لێوە دەکرێت."

ئەم بابەتە 11993 جار خوێندراوەتەوە