وەزیری دەرەوەی ئەمریکا سوپاس و ستایشی ئازایەتی و قارەمانی پێشمەرگە و هێزەکانی سووریا دیمۆکراتیک دەکات
پەیامی کورد ... وەزیری دەرەوەی ئەمریکا سوپاس و ستایشی ئازایەتی و قارەمانی پێشمەرگە و هێزەکانی سووریا دیمۆکراتیک دەکات
وه‌زیری ده‌ره‌وه‌ی ئه‌مریكا ستایشی هێزه‌كانی پـێشمه‌رگه ده‌كات بۆ ئه‌و ئازایه‌تی و قوربانییه‌ی له شه‌ڕی سه‌ختی دژی داعشدا داویانه.
ئانتۆنی بلینكن، وه‌زیری ده‌ره‌وه‌ی ئه‌مریكا به‌بۆنه‌ی دووه‌مین ساڵیادی له‌ناوبردنی خه‌لافه‌ته‌كه‌ی داعش، ڕاگه‌یاندنێكی بڵاوكرده‌وه و تیایدا ستایشی ئازایه‌تی و قوربانی هێزه‌كانی عێراق و پـێشمه‌رگه و سوریای دیموكراتی كرد.
وه‌زیری ده‌ره‌وه‌ی ئه‌مریكا له ڕاگه‌یاندنه‌كه‌یدا نووسیویه‌تی: دوو ساڵ له‌مه‌وبه‌ر هاوپه‌یمانی نێوده‌وڵه‌تی بۆ شه‌ڕی دژی داعش له‌گه‌ڵ هاوبه‌شه‌كانمان له ناوچه‌كه توانیان ته‌واوی ئه‌و خاكه ڕزگاربكه‌ن كه داعش له عێراق و سوریا كۆنترۆڵی كردبوون، ئه‌مه‌ش خاڵێكی زۆر گرنگه له هه‌وڵه‌كانی ده‌درێن بۆ مسۆگه‌ركردنی شكستی به‌رده‌وامی ئه‌م گروپه تێرۆرسته.
هه‌روه‌ها ئانتۆنی بلینكن ده‌ڵێت: ستایشی هێزه‌كانی ئاسایشی عێراق و پـێشمه‌رگه‌ی كوردی عێراق و هێزه‌كانی سووریای دیموكرات ده‌كه‌ین بۆ ئه‌و ئازایه‌تی و قوربانییه‌ی له شه‌ڕی سه‌ختی دژی داعشدا داویانه.
وه‌زیری ده‌ره‌وه‌ی ئه‌مریكا جه‌ختیش ده‌كاته‌وه كه ئه‌وان شان‌به‌شانی ئه‌م هێزه هاوبه‌شانه به‌رده‌وام ده‌بن له كاركردن بۆ هێشتنه‌وه‌ی فشاره‌كان له‌سه‌ر پاشماوه‌كانی داعش.
ئەم بابەتە 11988 جار خوێندراوەتەوە