وەزیرێکی ئاڵمانی ڕایدەگەینێت ئەوانەی واکسەنیان نەوەشاندووە تا کۆتایی زستان کۆرۆنا دەگرن ، چاک دەبنەوە یا خود دەمرن !

بە پێی ڕاپۆرتێک لە حاڵێکدا کە دەوڵەتی ئاڵمانیا بۆ واکسینەکردنی هەموو خەڵکی کۆمەڵگای ووڵاتەکەی هەوڵ دەدات ، ژمارەیەکی زۆر هێشتا هیچ ئارەزوویەکیان بۆ وەشاندنی واکسەن نییە . لە هەمان حاڵدا " ئینس سپاهن " وەزیری تەندرووستی و دەرمانی ئاڵمانیا زمانی هەڕەشەی بەکار هێناوە و لە ووتارێکی سەرسووڕهێنەردا ووتوویەتی ئەوانەی واکسەنیان نەوەشاندووە تا کۆتایی زستان کۆرۆنا دەگرن ، چاک دەبنەوە یا خود دەمرن .

سپاهن ووتی : هەروا کە پێشبینی دەکرێت تا کۆتایی زستان زۆربەی خەڵک لە دژی کۆرۆنا واکسینە دەکرێت ئەوانەشیان کە پێیان خۆش نییە واکسەن لێدەن تووشی کۆرۆنا دەبن ، یا خۆیان باش دەبنەوە یا خود دەمرن .

وەزیری تەندرووستی دەوڵەتی مێرکڵ لە هەمان حالدا هەرجۆرە ناچارکردن بۆ لێدانی واکسەن ڕەت کردەوە و ئۆمیدواری خۆی ڕاگەیاند کە تا کۆتایی زستان ئمنییەتی گشتی لە بەرامبەر کۆرۆنا بە دەست دێت .

ووتەکانی وەزیری تەندرووستی ئاڵمانیا سەبارەت بە بەناچاری نەکردنی واکسەن لە حاڵێکدایە کە هەندێک لە سیاسەتمەدارانی ئەم ووڵاتە داواکاری ناچاریکردنی واکسەن بۆ کەسانی سەرووی ١٨ ساڵ بەرەو سەرەوەن