١٠٢ کەس لە خۆپیشاندانەکانی ئەهواز دەستبەسەر کراون
پەیامی کورد ... ١٠٢ کەس لە خۆپیشاندانەکانی ئەهواز دەستبەسەر کراون
خۆپیشاندانەکانی نەتەوەی عەرەب و خەڵکی ئەهواز وەکوو سەرجەم ناڕەزایەتییەکانی پێشوو لەگەڵ سەرکوتی بەرین و دڕندانە بەرەوڕوو بوویەوە و چەندین کوژراو و برینداری لێکەوتەوە و ١٠٢ کەس دەسبەسەر کراون.
خۆپیشاندانەکانی خەڵکی ئەهواز بەنیسبەت بێ ئاوی و نابەڕێوبەری بەرپرسان، لە شەوی پێنجشەممە ١٥ی جووڵای دەستی پێکرد و زیاتر لە ٣٠ شاری ئەو پارێزگایەی گرتەوە.
ئەو خۆپیشاندانانە جگە لە ئەهواز چەندین شار و پارێزگای دیکەی گرتەوە و درووشمگەلێکی پێکهاتەشکێن لە خۆپیشاندانەکاندا دەوترایەوە.
ڕێژیم لە یەکەم کاردانەوەکاندا وەکوو نەریتی هەمیشەیی دەستی کرد بە سەرکوت و خنکاندنی دەنگی ناڕەزایەتی خەڵکی خۆپیشاندەر و لە ئەنجامدا بەپێی ئامارەکانی بەردەست ٩ کەس لە خۆپیشاندەران کوژراون و شوناسی ١٠٢ کەسی دەستبەسەرکراویش پشتڕاست کراوەتەوە.
هاوکات لەگەڵ ئەو خۆپیشاندانانەدا، شارەکانی ئەهواز لەگەڵ پچڕان و لاوازیی ئینتەرنێت بەرەوڕوو بووەتەوە و لە هەندێک لە شارەکاندا هێزە سەرکوتکەرەکانی ڕێژیم جێگیرن.
لەو خۆپیشاندانانەدا تێکهەڵچوونی قورسی چەکداریش لەنێوان خەڵکی ئەهواز و هێزە سەرکوتکەرەکانی ڕێژیم هاتە ئاراوە و ڕێکخراوی لێبووردنی نێودەوڵەتی خوازیاری کۆتاییهێنان بە سەرکوتی دڕندانەی خۆپیشاندەران لەلایەن ڕێژیمی ئێرانەوە بوو.
ئەم بابەتە 11991 جار خوێندراوەتەوە