٣٣ ساڵ بەرلەئێستا گوندی زەردە سەر بە پارێزگای کرماشان لە ناوچەی دالاهۆ لە لایەن ڕژیمی بەعث ەوە کیمیاباران کرا
پەیامی کورد ... ٣٣ ساڵ بەرلەئێستا گوندی زەردە سەر بە پارێزگای کرماشان لە ناوچەی دالاهۆ لە لایەن ڕژیمی بەعث ەوە کیمیاباران کرا
ئەمڕۆ ٢١ی جووڵای ٢٠٢١ بەرامبەر بە ٣١ی پووشپەڕ ١٤٠٠ ی هەتاوی ، ٣٣ سال بەسەر کیمیابارانکردنی گوندی زەردە لە ناوچەی دالاهۆ سەر بە پارێزگای کرماشان تێدەپەڕێ.
ڕۆژی ٣١ی پووشپەڕی ١٣٦٧ی هەتاوی، لە هێرشی ئاسمانی ئەرتەشی عێراقدا، چەندین بۆمبی کیمیاویی گوندی زەردە لە ناوچەی داڵاهۆی سەر بە پارێزگای کرماشانیان کردە ئامانج و بەو هۆیەوە، لەو ڕۆژەدا ٢٧٠ کەس گیانیان لەدەستدا و ٨٣٠ کەسیش بریندار بوون کە بەشی زۆریان لە ساڵانی دواتر بەهۆی ژاراوی‌بوونیان گیانیان لەدەستدا.
هێزی ئاسمانی عێراق بەرەبەیانی ئەو ڕۆژە چەندین بۆمبی کیمیاوییان لە گوندی زەردە دا و یەکێک لەو بۆمبانە کەوتە نێو ئاوی کانیاویی گوندەکە و ب کەڵکوەرگرتنی خەڵک لە ئاوی کانیاوەکە، خەساری زۆری لێکەوتەوە و بەشێکی خەڵکی گوندەکە تووشی نەخۆشیی جۆراوجۆر یەک لەوان شێرپەنجە بوون کە منداڵانێکیش بەو هۆیەوە داوتر بە کەم ئەندامی لە دایکبوون.
ئاماری لەباربردنی منداڵ، کێشەی دەروونی، شێرپەنجەی خوێن، نەخۆشی پێستی لەو گوندەدا زۆرە و هەروەها بەشێکی بەرچاو لە زەوی و زاری کشتوکاڵی ئەو ناوچەیە بەهۆی ئەو کیمیابارانە لە ناوچوون.
شایانی باسە کە گوندی زەردە لە ناوچەی داڵاهۆ سەر بە شاری کرماشان هەڵکەوتووە، و ڕۆژانی ڕابردووشدا، ڕەز و باخاتی ئەو گوندە بە پیلانی ڕێژیم و لەلایەن کەسانی نەناسراو ئاگری تێبەر دراوە و خەسارێکی زۆری بە خەڵکی گوندە گەیاندووە.
ئەم بابەتە 11988 جار خوێندراوەتەوە