٣٤ کۆمپانیا به‌تاوانی كاركردن له‌گه‌ڵ ئێران، چین و ڕووسیا لە لایەن ئەمریکاوە سزایان بەسەردا سەپێندرا
پەیامی کورد ... ٣٤ کۆمپانیا به‌تاوانی كاركردن له‌گه‌ڵ ئێران، چین و ڕووسیا لە لایەن ئەمریکاوە سزایان بەسەردا سەپێندرا
وه‌زاره‌تی بازرگانی ئه‌مریكا رایگه‌یاند كه بە تۆمەتی ئاسانکاری بۆ هەناردەکردنی کەلوپەل و پێداویستی بۆ رووسیا و ئێران و هاوکاریكردنی سوپای چین بۆ ئەوەی سیاسەتی خۆی بەرامبەر موسڵمانانی ئیگۆر جێبەجێبکات، سزای به‌سه‌ر ٣٤ كۆمپانیادا سه‌پاند.
ئاماژه‌شی به‌وه‌دا كه له‌و ژماره‌یه ١٩ كۆمپانیایان سه‌ربه ووڵاتی چین-ن، هه‌شت كۆمپانیایان تۆمه‌تبارن به‌وه‌ی ئاسانكارییان كردووه بۆ هه‌نارده‌كردنی كه‌ره‌سته‌ی ئه‌مریكی بۆ ئێران، حه‌وت كۆمپانیاشیان تێوه‌گلاون له كڕین و مامه‌ڵه‌كردن به كه‌ره‌سته‌ی ئه‌لیكترۆنی درووستكراوی ئه‌مریكا و ئاسانكاریكردن بۆ ئێران.
له‌سه‌ره‌تای ئه‌م مانگه‌دا وه‌زاره‌تی گه‌نجینه‌ی ئه‌مریكا سزای له‌سه‌ر سێ هاووڵاتی ئێرانی به‌ناوه‌كانی (به‌هزاد دانیێڵ فیرده‌وس، میهرزاد مانۆئێل فیرده‌وس و موحه‌مه‌د ڕه‌زا دێزفوولیان) هه‌ڵگرت، له هه‌مانكاتدا ئه‌و ووڵاته ڕایگه‌یاند، هه‌ڵگرتنی ئه‌و سزایانه هیچ په‌یوه‌ندییه‌كی به دانووستانه‌كانی ڤیه‌نناوه نییه.
هه‌رچی په‌یوه‌نیداره به ڕووسیاوه ئاڵۆزییه‌كانی نێوان ئه‌و دوو ووڵاته تادێت به‌ره‌و به‌رزبوونه‌وه ده‌ڕوات، هه‌رچه‌نده له مانگی ڕابردوودا سه‌رۆكی هه‌ردوو ووڵات كۆبوونه‌وه‌ی لووتكه‌یان ئه‌نجامدا و گفتوگۆ له‌باره‌ی زۆر بابه‌تی گرینگ به‌تایبه‌ت هێرشه ئه‌لیكترۆنییه‌كان و گرووپه هاككه‌ره‌كانه‌وه كران.
ئەم بابەتە 11987 جار خوێندراوەتەوە