٨٠٠ کەس بە پێی بڕیارێک وەک فەرمانبەری هەمیشەیی کۆمیسیۆنی باڵا دادەمەزرێن
پەیامی کورد ... ٨٠٠ کەس بە پێی بڕیارێک وەک فەرمانبەری هەمیشەیی کۆمیسیۆنی باڵا دادەمەزرێن
بڕیارە كۆمیسیۆنی باڵای هەڵبژاردنەكانی عێراق فەرمانبەری هەمیشەیی دابمەزرێنێ و پەرلەمانتارێكی پارتیش دەڵێ، پشكی هەرێمی كوردستان ٨٠٠ فەرمانبەرە.
شیروان جەمال، پەرلەمانتاری فڕاكسیۆنی پارتی لە پەرلەمانی عێراق، رایگەیاند: "كۆمیسیۆنی باڵای هەڵبژادنەكانی عێراق فەرمانبەر دادەمەزرێنێ، بە تایبەتی ساڵی نوێ پڕۆسەی هەڵبژاردن لە عێراق بەڕێوە دەچێت و كۆمیسیۆن پێویستی بە فەرمانبەری هەمیشەیی هەیە بۆ هەموو پارێزگاكان".
پەرلەمانتارەكەی پارتی گوتی: "پشكی هەرێمی كوردستان دیاری كراوە و بڕیارە ٨٠٠ كەس وەك فەرمانبەری كۆمیسیۆن لە كوردستان دابمەزرێن".
جەمال روونیشی كردەوە: "ئەو فەرمانبەرانەی پێشتر بە گرێبەست بۆ كۆمیسیۆن كاریان كردووە، ئەولەوییەتیان پێدەدرێت و دەكرێنە هەمیشەیی، بەڵام هەموو ناوەكانیان دەبرێتە بەغدا و دوای پێداچوونەوە، ئینجا دەكرێنە هەمیشەیی".
ئەم بابەتە 11998 جار خوێندراوەتەوە