پارتی دیموكراتی كوردستان، بەیاننامەیەكی گرینگی بڵاو کردەوە
پەیامی کورد ... پارتی دیموكراتی كوردستان، بەیاننامەیەكی گرینگی بڵاو کردەوە
پارتی دیموكراتی كوردستان، بەیاننامەیەكی دەربارەی دانووستانی ستراتیژی نێوان حكوومەتی عێراق و ویلایەتە یەكگرتووەكانی ئەمریكا سەبارەت بە بەردەوامبوونی پەیوەندی و هاوكاری نێوان هەردوولا، بڵاو كردەوە.
دەقی بەیاننامەكە:
ئێمە وەك پارتی دیموكراتی كوردستان، وەكوو سەرجەم لایەنە سیاسییە نیشتیمانییەكانی عێراق و گەلی عێراق، بە گرینگییەوە سەیری رێڕەوی گفتوگۆی ستراتیژی نێوان هەردوو حكوومەتی عێراق و ویلایەتە یەكگرتووەكانی ئەمریكا دەكەین سەبارەت بە بەردەوامی پەیوەندی نێوان هەردوو ووڵات و گەل و دواڕۆژی مانەوەی هێزەكانی هاوپەیمانان لەسەر خاكی ووڵات.
ئێمە لە كاتێكدا كە هەوڵ و كۆششی شاندی حكوومەتی عێراق و لەنێویدا حكوومەتی هەرێمی كوردستان بەرز دەنرخێنین بۆ گەیشتن بە رێككەوتنی كۆتایی و پەسندكراوی راگەێندراو بە مەبەستی كۆتاییهێنان بەو بارگرژی و تووندوتیژییەی لەسەر گۆڕەپانی سیاسی عێراقدا هەیە، ئەوە دووپات دەكەینەوە كە پێویستە هەموو لایەك پابەندی خاڵەكانی ئەم رێككەوتنە بن بە نیازێكی پاك و دوور بكەونەوە لە تووندوتیژی و گرژتركردنی بارودۆخە ئاڵۆزەكە لە ووڵاتدا، بۆ ئەوەی بەیەكەوە كار بكەین بۆ چەسپاندن و بەرقەراری ئاسایش و ئارامی لە عێراق و هەرێمی كوردستان و ناوچەكەدا و پێویستە هەمووانیش پابەند بن بە سەرجەم ئەو خاڵانەی لە چوارچێوەی پرەنسیپی رێككەوتنی ستراتیژی دا ئاماژەیان بۆ كراوە.
پارتی دیموكراتی كوردستان
28\7\
ئەم بابەتە 11991 جار خوێندراوەتەوە