پارتی دیمۆکراتی کوردستان زانیارییەکی گرینگ سەبارەت بە ئەمریکا بڵاو دەکاتەوە
پەیامی کورد ... پارتی دیمۆکراتی کوردستان زانیارییەکی گرینگ سەبارەت بە ئەمریکا بڵاو دەکاتەوە
به‌رپرسى په‌یوه‌ندیه‌كانى ده‌ره‌وه‌ى پارتى دیموكراتى كوردستان زانیارییه‌كى گرینگ له‌باره‌ى مانه‌وه‌ى هێزه‌كانى ئه‌مریكا ئاشكرا ده‌كات و ده‌شڵێت:"هێزه‌كانى ئه‌مریكا له‌عێراق به‌به‌رگى مه‌ده‌نى ده‌مێننه‌وه به‌كه‌مێك جیاوازیه‌وه‌و له‌هاوكاریكردنى هه‌رێمیش به‌رده‌وامده‌بێت".
هۆشیار سیوه‌یلى به‌رپرسى په‌یوه‌ندیه‌كانى ده‌ره‌وه‌ى پارتى ڕایگه‌یاند، "ئه‌مڕۆ ڕۆژى پێنجشه‌ممه ئه‌مریكا له‌عێراق به‌رگى سه‌ربازیان گۆڕیوه به‌به‌رگى مه‌ده‌نى و ئه‌مریكا له‌به‌رگى مه‌ده‌نیدا هه‌مان ڕۆڵى پێشتر ده‌بینتێت به‌كه‌مێك جیاوازییه‌وه".
هۆشیار سیوه‌یلى ئه‌وه‌ش ده‌خاته‌ڕوو، "ئه‌مریكا سه‌رچاوه‌ى كێشه‌كانى عێراق نییه، به‌ڵكوو ئه‌وه عێراقیه‌كان خۆیانن ئه‌و كێشانه‌یان درووستكردوه".
ده‌شڵێت:"ئه‌مریكاو چه‌ندین ووڵاتى تر هاوكارى چاكسازی و یه‌كخستنى هێزى پێشمه‌رگه ده‌كه‌ن ئه‌مه‌ش بۆ به‌رژه‌وه‌ندى هه‌ردوولا ده‌گه‌ڕێته‌وه، له‌سیاسه‌تیشدا دۆستى هه‌میشه‌یی نییه، به‌ڵكوو به‌رژه‌وه‌ندى هه‌میشه‌یی هه‌یه".
به‌پێى ڕێكه‌وتنى نێوان ئه‌مریكا و عێراق به‌ر له‌ساڵى ٢٠٢٢ ئه‌مریكا هێزه شه‌ڕكه‌ره‌كانى له‌عێراق كشانده‌وه.
ئەم بابەتە 11990 جار خوێندراوەتەوە