پەیامی کورد     ...    پلە باڵاکان ئەم مانگە بەم شێوەیە مووچە وەردەگرن

بەڕێوبەری ئامار لە خانەنشینی ھەرێمی کوردستان دەڵێ، لەم مانگەوە مووچەی خانەنشینی پلە باڵاکان بە ھەموارکراوی دابەش دەکرێ و، بەوەش ٢ملیار دینار بۆ خەزینەی حکوومەت دەگەڕێتەوە.

سەباح موخلیس، ڕایگەیاند : "چاکسازیکردن و پێداچوونەوە بە دۆسیەی خانەنشینی پلە باڵاکان، تەنیا پەرلەمانتاران ماون، ئەوانیش ئەم ھەفتەیە تەواو دەبن، کە ٤٢٠پەرلەمانتار دەبن، بەمەش کۆتایی بە چاکسازی لە خانەنشینی پلە باڵاکان دێت و، دواتر ھەنگاوی دیکەی بەدواوە دێت، ئەوانیش خانەنشینی مەدەنی دەبێ".

بەڕێوبەری ئامار لە خانەنشینی ھەرێمی کوردستان روونیشی کردەوە: "ئەوانەی پلە باڵان، لەم مانگەوە مووچەیان بە ھەموارکراوی وەردەگرن بەپێی لیستی نوێ، چونکە یاسای چاکسازی چۆنی داناوە، ئێمە بەو شێوەیە ھەموارمان کردۆتەوە".

سەباح موخلیس باسی لەوەشکرد: "بەرزترین مووچە بۆ ئەندام پەرلەمان ٥٠% دەبێت و، کەمترینیشی ٢٥% دەبێت و، ئەوانەی وەزیر و بریکاری وەزیرن، دەگاتە ٦٠%، بۆیە پلەباڵاکانی دیکە ئەوانە لە ٥٠ بۆ ٦٠% دەست پێدەکات و، ھەر یەکە و بەڕێژەیەکە".

ووتیشی: "بە چاکسازیکردن لە مووچەی پلە باڵاکان، نزیکەی ٢ملیار دینار بۆ خەزینەی حکوومەتی ھەرێمی کوردستان دەگەڕێتەوە".

ئەم بابەتە 11992 جار خوێندراوەتەوە