پەیامی کورد     ...     پێنتاگۆن : ئەمریکا بەنیازی ئەم کارەیە لە بەرامبەر ئێران و میلیشیاکانی

پێنتاگۆن: ئەمریکا دەیهەوێت ڕووبەڕووی ئێران و میلیشیاکانی ببێتەوە
 
وەزارەتی بەرگری ئەمریکا ڕایگەیاند کە ئەمریکا دەیهەوی ڕووبەڕووی ڕێژیمی ئێران و میلیشیاکانی سەر بە ئەو ڕێژیمە لە ناوچەکەدا ببێتەوە.

بەرپرسێکی باڵای وەزارەتی بەرگری ئەمریکا، ڕۆژی هەینی ٢٣ی جووڵای ٢٠٢١ لە وتووێژێکدا لەگەڵ ئاژانسی هەواڵی ئەلعەرەبییە ووتی: ئێران سەرەڕای پشتیوانیکردن لە گرووپە میلیشیا تێرۆریستەکانی لە ناوچەکەدا لە ڕێگەی ئەو گرووپانەوە هێرش دەکاتە سەر بەرژەوەندییەکانی ئەمریکا و ئێمە ئەوە بە چاوی خومان دەبینین.

ئەم بەرپرسەی وەزارەتی بەرگری ئەمریکا کە نەیویستووە ناوی ئاشکرابێ لە درێژەدا ڕایگەیاندووە کە کاتێک ڕێژیمی ئێران لە ڕێگەی میلیشیاکانیەوە هێرش دەکاتە سەر بنکە و بارەگاکانی ئەمریکا، بەرگریی لە سەربازەکانمان مافی سرووشتی ئێمەیە و ئەمریکاش ڕووبەڕووی ئێران و میلیشیاکانی سەر بەو ڕێژیمە لە ناوچەکەدا دەبێتەوە.

ئەم بابەتە 11992 جار خوێندراوەتەوە