پەیامی کورد      ...  پێنتاگۆن  :  هەموو جۆرە توانا و هێزێکی ڕووبەڕووبوونەوەمان لەگەڵ ڕێژیمی ئێران هەیە

پێنتاگۆن ڕایگەیاند : بەهەبوونی ئاستی بەرزی سەربازی ، توانا و هێزی ڕووبەڕووبوونەوەمان لەگەڵ ڕێژیمی ئێران هەیە

وەزارەتی بەرگری ئەمریکا سەرەڕای دەربڕینی نیگەرانییەکانی لەهەمبەر هەوڵەکانی ڕێژیمی ئێران بۆ ناسەقامگیری ناوچەکە ڕایگەیاند کە رێژیمی ئێران هەڕەشەیە بۆ سەر ڕۆژهەڵاتی ناوەڕاست.

وەزارەتی بەرگری ئەمریکا ڕۆژی سێشەممە ١١ی ئۆگۆستی ی ٢٠٢١ لە بەیاننامەیەکدا جەختیان لەسەر ئەوە کردەوە کە ئەمریکا وهاوپەیمانان نیگەرانن لە مەترسییەکانی ئێران بۆ سەر ڕۆژهەڵاتی ناوەڕاست و هەروەها ڕێژیمی ئێران بە پشتیوانیکردن لە گرووپە میلیشیا تێرۆریستەکان لە ناوچەکەدا بەردەوام لە هەوڵدایە بۆ ناسەقامگیری و پەرەپێدان بە دەستێوەردانەکانی و دەبێ ئەوە بە باشی بزانێ کە ئەمریکا توانا و هێزی سەربازیی بۆ ڕووبەڕووبوونەوەی ئەو ڕێژیمە زۆر لە سەرترە و دەبێ ئاگاداری خۆی بێ.

هەرلەم پێوەندییەدا وەزیرانی دەرەوەی ووڵاتانی گرووپی حەوت لە بەیاننامەیەکی هاوبەشدا سەرەڕای ئاماژەکردن بەوەیکە ڕێژیمی ئێران هەڕەشەیە بۆ سەر ئاشتی و ئاسایشی جیهان ڕایانگەیاندبوو کە دەبێ بە خێراترین کات پێش لە دەستێوەردانەکانی رێژیمی ئێران بگیردرێ.وەزارەتی بەرگری ئەمریکا سەرەڕای دەربڕینی نیگەرانییەکانی لەهەمبەر هەوڵەکانی ڕێژیمی ئێران بۆ ناسەقامگیری ناوچەکە ڕایگەیاند کە رێژیمی ئێران هەڕەشەیە بۆ سەر ڕۆژهەڵاتی ناوەڕاست.

ئەم بابەتە 11992 جار خوێندراوەتەوە