پەیامی کورد      ...    پەرلەمانی فەڕەنسا بۆ ئامادەکردنی دەستووری ھەرێمی کوردستان ھاوکار دەبێت

نوێنەری حکوومەتی ھەرێمی کوردستان لە فەرەنسا ووتی، شاندی پەرلەمانی کوردستان لە فەرەنسا لەگەڵ پەرلەمانی فەرەنسا کۆ بووەوە و تێیدا باس لەوە کرا کە پەرلەمانی فەرەنسا ھاوکاری پەرلەمانی کوردستان دەکات لە دانانی دەستووری ھەرێمی کوردستان و بڕیارە سەردانەکانیش بەردەوام بن .

عەلی دۆڵەمەری، وەک نوێنەری حکوومەتی ھەرێمی کوردستان لە فەرەنسا، ووتی: ''شاندێکی یاسایی پەرلەمانی کوردستان سەردانی ووڵاتی فەرەنسایان کرد، چوونکە ھەڵبژاردنیان کرد و دواتری کۆرۆنا بەسەردا ھات، بۆیە ھەرێمی کوردستان دەیەوێت پەیوەندییەکانی لەگەڵ ووڵاتی فەرەنسا باشتر بکات و لەگەڵ لیژنەی یاسایی پەرلەمانی فەرەنسا و گرووپی دۆستایەتی کوردی فەرەنسی لە پەرلەمان و ئەنجوومەنی پیرانیش کۆ بوونەوە.''

عەلی دۆڵەمەری ووتیشی: ''لیژنەی یاسایی پەرلەمانی کوردستان داوای کرد، کە پەرلەمانی فەرەنسا لە دانانی ئامادەکردنی دەستووری ھەرێمی کوردستان ھاوکاری پەرلەمانی کوردستان بکەن و ئەوانیش ئامادەیی خۆیان نیشان دا.''

دۆڵەمەوی باسی لەوەش کرد: ''پەرلەمانی فەرەنسا ئامادەیی خۆی نیشان دا بۆ ھاوکاریی ھەرێمی کوردستان بۆ ئامادەکردنی دەستوور کە ھەر پێویستییەکیان ھەبێت ھاوکار و ھەماھەنگ بن و بڕیاریشە ھەر ئەمساڵ سەردانی دیکەی پەرلەمان بۆ ووڵاتی فەڕەنسا بکرێت.''

ووتیشی: ''شاندی پەرلەمانی کوردستان کە لە ئەندامانی لیژنەی یاساییی پەرلەمانی کوردستان پێک ھاتبوو کۆتایییان بە سەردانەکە ھێنا و گەڕانەوە بۆ ھەرێمی کوردستان.''

ئەم بابەتە 11990 جار خوێندراوەتەوە