پەیامی کورد      ...    پەکەکە ٦ هاووڵاتی لە ناوچەی قەندیل دەڕفێنێت

پەکەکە شەش هاووڵاتى بەشى قەندیلی هەرێمی کوردستان ڕفاندووە و دواتر ماڵباتەکانیانی ناچار کراون دژ بە منداڵەکانیان قسە بکەن.

میدیاکانی سەر بە پەکەکە لێدوانی چەند کەسێکیان بڵاو کردووتەوە کە سوپاسی پەکەکە دەکەن لەوەى منداڵەکانیانی ڕفاندووە بە تاوانی سیخۆڕیکردن و لە قسەکاندا ژنێک کە دەگوترێت دایکی یەکێک لە ڕفێندراوەکانە، دەڵێت:”کوڕەکەم تاوانی هەڵەکانی دەداتەوە”.

ئەمەش بە ئامانجی رەوادانە بە کردەوە نایاسایەکانی پەکەکە کە چەندین ساڵە دژی خەڵکی باشوور و ڕۆژهەڵاتى کوردستان ئەنجامیان دەدا.

پیاوێکی دیکە لە ڤیدیۆکاندا کە ئەویش باوکی یەکێک لە ڕفێندراوەکانە، دەڵێت ئەوان لەگەڵ هەرجۆرە سزادانێکن کە پەکەکە لە پەیوەندی لەگەڵ هەڵەکانی کۆڕەکەیان دەیدات.

ئەم بابەتە بۆتە هۆی پرس و باسێکى گەرم لە هەرێم و رەوایەتی پەکەکەی لە دەستگیری و دادگایی خەڵکی کوردستانی لە بنکە سەربازیەیکانی خۆى لە شاخ بردووتە ژێر پرسیارەوە. چاودێرانی سیاسى جەخت لەوە دەکەنەوە کە "خەباتى پەکەکە باکوورى کوردستانە نەوەک باشوور و ڕۆژهەڵات و ئەم کارەشى لە هەرێمى کوردستان و ناوچە جیاوازەکانی عێراق نایاسیایە و خەریکى سەپاندنى ئایدیۆلۆژیەکەیەتى بە سەر خەڵک و جێبەجێکردنى پیلانى داگیرکەرانە".

ئەم بابەتە 11998 جار خوێندراوەتەوە