پەیامێکی گرینگ لە دەستەی کەشناسی یەوە سەبارەت بە ئاستی پلەکانی گەرما
پەیامی کورد ... پەیامێکی گرینگ لە دەستەی کەشناسی یەوە سەبارەت بە ئاستی پلەکانی گەرما
دەستەی کەشناسی عێراق بڵاویکردەوە، دوای ئەوەی سەرەتای ئەم هەفتەیە پلەکانی گەرما گەیشتنە سەروو ٥٠ پلەی سیلیزی، پێشبینی دەکرێت لەماوەی دوو رۆژی داهاتوودا پلەکانی گەرما لەزۆرینەی پارێزگاکان بەرەو نزمبوونەوە بچن.
دەستەی کەشناسی عێراق لەراگەێندراوێکدا باسی لەوەشکردووە، رۆژانی سێشەممە و چوارشەممە لەزۆرینەی پارێزگاکان پلەکانی گەرما بەرەونزمبونەوە دەچن و خێرایی با و ئاستی بینین لە ناوچەکانی رۆژئاوا، باکور، باشور و رۆژ‌هەڵاتی عێراق گۆڕانکارییان بەسەردا دێت.
ئەوەش هاتووە، بەگوێرەی داتاکانی خشتەی کەشناسی رۆژانی پێنجشەممە و هەینی داهاتوو پلەکانی گەرما بەڕێژەیەکی سنووردار بەرەو بەرزبوونەوە دەچن.
هەفتەی رابردوو پلەکانی گەرما لەزۆربەی شارەکانی ناوەڕاست و باشووری عێراق گەیشتنە سەروو ٥٠ پلەی سیلیزی، بەرزبوونەوەی پلەکانی گەرماش هاوکاتە لەگەڵ کەمبوونەوەی کاتژمێرەکانی کارەبای نیشتیمانی لەعێراق و دەرکەوتنی کاریگەرییەکانی وشکەساڵی لەسەر ناوچە جیاوازەکان.
ئەم بابەتە 11987 جار خوێندراوەتەوە