پەیامی کورد     ...   چوارچێوەکانی ڕاگواستنی بنکەکانی ئەمریکا لە قەتەر ەوە بۆ ئۆردون چییە ؟

هەندێک لە شرۆڤەکارانی سیاسی ئەم هەنگاوەی ئەمریکا بە گرینگ نەبوون و پێویست نەبوونی ئەم قەبارەیە لە کەل و پەلی سەربازی و نیزامی بە گرینگیدان بە دەرچوونی لە ئەفغانستان لێکدەدەنەوە و شیکاری بۆ دەکەن و هەندێکی دیکەش ئەمەیان بە قۆناغێکی ناوەندی بۆ ڕاگواستنی ئەمریکا لە ڕۆژهەڵاتی ناوەڕاست ەوە بۆ ڕۆژئاوای دوور ناو دەبەن .

واشینتۆن لە هەنگاوێکدا کە جەنجاڵ و دەنگێکی بەرفراوانی بەدوای خۆیدا هێنا ،هەواڵی لە داخستنی بنکە سەربازی و نیزامییەکانی خۆی لە قەتەر کە وەکوو کۆگایەکی گرینگی مەواددی تەقەمەنی و چەک و چۆڵ کەڵکی لێوەردەگیرا دەدات و هێز و کەل و پەلە نیزامی و سەربازییەکانی خۆی بۆ ئۆردون ڕاگواست .

ئەرتەشی ئەمریکا لە بەیاننامەیەک دا ڕایگەیاند کە ئۆردووگای سەرەکی السیلیە ، ئۆردووگای السیلیەی باشوور و ناوەندی دەستەبەرکردنی مەواددی " فاڵکۆن " ی داخستووە .

هەندێک کەس پرسیارگەلێکیان دەربارەی هۆکارەکانی ئەم هەنگاوەی ئەمریکا و مانا و تێڕامانی نیزامی و سیاسی ئەوەیان جگە لە کاریگەرییەکانی بۆ سەر پاڵپشتی ئۆردون لە سەر بابەتی فەلەستین خستووە بەر باس .

ڕاگواستنی بنکەکانی ئەمریکا

پێگەی گەیاندنی هەواڵی ئەمریکی " ستارز ئەند ستریپز ڕایگەیاند کە ئەمریکا ٣ بنکەی سەربازی و نیزامی خۆی لە قەتەر کە وەکوو کۆگایەکی گرینگی مەواددی تەقەمەنی و چەک و چۆڵ کەلکی لێوەردەگرت بەتاڵ کردووە و هەموویانی بۆ ئۆردون ڕاگواستووە .

بە پێی ئەم ڕاپۆرتە ، شرۆڤەکارانی جەخت دەکەنەوە کە ئەم هەنگاوە جگە لەوەی کە ئەمریکا دەخاتە دۆخێکی باشترەوە لە بەرامبەر ئەگەری هەڕەشەکانی ئێران دا گۆڕانکاری لە گرینگییە سەرەتاییەکانی ئەرتەشی ئەمریکا لە ناوچەکەش ئاشکرا دەکات .

ئەم راپۆرتە هەروەها زیادی دەکات کە ئەرتەشی ئەمریکا هەفتە ڕابردوو هەواڵی لە داخستنی بنکەی نیزامی سیلیەی ناوەندی و سیلیەی باشوور و ناوچەی گەیاندنی هاوکاری و یارمەتی فاڵکۆن لە قەتەر دابوو .

بە پێی بەیاننامەی فەرمی ئەرتەشی ئەمریکا ئەم بنکەیە ناوەندی گەیاندنی هاوکاری و یارمەتی لۆجێستیکی هێزەکانی ئەمریکی لە ڕۆژهەڵاتی ناوەڕاست بووە و لەوێ ٢٧ کۆگا و زاخە بۆ پارێزگاریکردن لە تانکگەل و جۆرەها مەواددی تەقەمەنی بوونی هەبووە .

ئەم بەیاننامەیەە هەروەها ڕاگەێندرا کە لە ئێستادا ئەم کەل و پەلانە هەموو بەشێک لە کۆمەڵەی هاوکارییە لۆجێستیکییەکانی پارێزراو لە ئۆردون ە .

کارناسانی ئەمنییەتی جەخت دەکەنەوە کە ئەم هەنگاوەی ئەرتەشی ئەمریکا هێزەکانی ئەمریکی لە بەرامبەر هەرجۆرە هەوڵ و هەنگاوێک لە لایەن ئێران ەوە دەخاتە دۆخێکی باشترەوە .

بە ووتەی ئەم کارناسانە ئەگەری هێرشی مووشەکی لە جۆری ئەوەی ساڵی ڕابردوو لە بنکەی ئاسمانی عین الاسد  ی عێراق ڕوویدا ، دەبێتە کارتێکی فشاری گرینگ بۆ سەر ئێران لە هەر جۆرە ووتووێژێک لەگەل لایەنەکانی ڕۆژئاوایی و ئێستا لەگەڵ دوور خستنەوەی ئەم بنکانە لە ژێر چاوی ئێران ، ئەم کارتە لە تاران وەرگیراوە .

زیادبوونی فشارەکانی ئەمریکا

عەبدۆڵلا خاطر شرۆڤەکاری سیاسی قەتەری لەو باوەڕەدایە کە ڕاگواستنی کەل و پەلەکان لە قەتەر ەوە هاوکات لەگەڵ دەرچوونی هێزەکانی ئەمریکی لە ئەفغانستان بەم هۆکارەوەیە کە واشینتۆن چیتر پێویستی بەم کەل و پەلانە نییە .

ئەو هەروەها ووتی : ئەمریکا هێزی خۆی لە ئۆردون بە زیادکردنی فشارەکان لە سەر بنکەکانی لە عێراق و هاوکات لەەگەڵ ووتووێژ و گفتۆگۆوەکانی لە سەر ڕێکەوتننامەی ئەتۆمی ئێران بەهێز دەکات .

خاطر ووتی : ئەمریکا هەژموونی خۆی لە نزیکی عێراق بە دوور لە ئێران بەهێز دەکات تاکوو ئێران نەتوانێ بۆ گەیشتن بە بەرژەوەندییەکانی خۆی فشار بخاتە سەر ئەمریکا و توانمەندییەکانی خۆی بۆ فشار لە سەر ئێران یش زیاتر ببێت .

ئەم شرۆڤەکارە سیاسییە ئەم هەنگاوەی ئەمریکای هاوکات لەگەڵ درووست بوونی یەکیتی نێوان میسڕ ، عێراق و ئۆردون زانی و ووتی ڕاگواستنی بنکەکانی ئەمریکا لە قەتەر ەوە بۆ ئۆردون بۆ ئەوەیە کەە توانمەندییەکانی ئەمریکا نزیک بێت لەم هاوپەیمانییە و پاڵپشتی یان لێبکات .

 

ئەم بابەتە 11994 جار خوێندراوەتەوە