پەیامی کورد    ...   ڕاویژکاری ئاڵمانیا و سەرۆکی ئەمریکا پەیامێکی بەڵێنی یان ڕاگەیاند

سەرۆکی ئەمریکا و راوێژکاری ئاڵمانیا لەکۆشکی سپی کۆبوونەوە و بەڵێنیاندا رووبەڕووی هەڕەشەکانی رووسیا ببنەوە.

ئەنگێلا مێرکڵ راوێژکاری ئاڵمانیا سەردانی ئەمریکای کرد و لەگەڵ جۆ بایدن سەرۆکی ئەمریکا کۆبوەوە، دواتر لەکۆنگرەیەکی رۆژنامەوانیدا ئاشکرایانکرد کە هەردوولا بەڵێنیانداوە پێکەوە کاربکەن بۆ ڕووبەڕووبوونەوەی هەڕەشەکانی ڕووسیا.

هەر لەو کۆنگرەیەدا، جەختیان لەسەر ئەوەش کردوە، پێکەوە شانبەشانی یەک دژی هەنگاوە نادیموکراسییەکانی چین بوەستن و بۆ ئەو بابەتانەش باسیان لەگرینگی هاوپەیمانیەتی ئەمریکا و ئاڵمانیا کرد.
لەبارەی پرۆژی بۆڕی گازی (Nord Stream 2)، سەرۆکی ئەمریکا رایگەیاند، نابێت ووزە وەک چەکێکی سیاسی دژی ووڵاتان بەکاربهێنێت.

لەبەرامبەردا، میرکڵ سوور بوو لەسەر ئەوەی ئەو پرۆژەیە لە ئاڵمانیا بڕیاری لەسەر دراوە و بەردەوامدەبن.
دوای کۆبوونەوەکەش بایدن ئاماژەی بەوە کرد هاوپەیمانەکانیش لەسەر هەندێک شت هاوڕا نین، ئاماژەی بەوەش کردوە ئاڵمانیا دڵنیایی دەدات لەسەر ئەوەی کە رووسیا ئەو پرۆژەیە وەک چەکێک بەکارنەهێنێت.
بایدن باسی لەوەش کرد، ناتۆش هەوڵەکانی خۆی دژی هەڕەشەکانی رووسیا دەخاتەگەڕ.

ئەم بابەتە 11995 جار خوێندراوەتەوە