پەیامی کورد     ...    ڕاوێژکاری باڵای ئاڵمانیا : باشترە ڕێبەری ئائینی ئێران عەلی خامنەیی بڕیاری کۆتایی خۆی بدات .

ئۆلاڤ شۆڵتز ، ڕاوێژکاری باڵای ئاڵمانیا ئەمڕۆ شەممە لە لێدوانێکدا لە کۆنفرانسی ئاسایشی میوونشن ڕایگەیاند : بەڕادەیەکی زۆر بێ هیوا بووین لە نوێبوونەوەی ڕێککەوتنی ئەتۆمی ئێران .

لە بەشێکی قسەکانیدا شوڵتز ئاماژە بەوە دەکات ، تەنیا ڕێگای نوێبوونەوەی رێککەوتنی ئەتۆمی ئێران ئەوەیە ، بە بێ کات کوشتن و بەبێ مەرج بگەڕێتەوە ناو ڕێککەوتنەکە ، ئەگینا ئەنجامی دانووستانەکان بە شکست کۆتایی پێدێت .

لە کۆتاییش دا ووتی : ئێران لەوە دڵنیا بێت هیچکات ئاڵمانیا ناهێڵێت ئێران دەستی بە چەکی ئەتۆمی ڕابگات بۆیە وا باشە ڕێبەری ئائینی ئێران خامنەیی بڕیاری کۆتایی خۆی بدات .

لە ئێستادا خولی هەشتەمی کۆبوونەوەکان بۆ نوێ بوونەوەی ڕێککەوتنی ئەتۆمی ئێران لە ڤییەننا بەردەوامە