پەیامی کورد     ...   ڕووپێوێکی نوێی بێکاری بە شێوەی مەیدانی ئامادە دەکرێت

سەرۆکی دەستەی ئاماری ھەرێمی کوردستان رایگەیاند، ڕووپێوێکی نوێی بێکاری بە شێوەی مەیدانی ئامادە کراوە و لە ماوەیەکی نزیکدا ئامارەکە رادەگەیەنن.

سیروان محەمەد، ڕایگەیاند : "ئێمە وەکو دەستەی ئاماری ھەرێمی کوردستان ، رووپێوێکمان ئەنجام داوە و ماوەتەوە رایبگەینین، کە ئەو رووپێوەمان لەگەڵ رێکخراوی کاری جیھانی ئەنجام داوە و پاڵپشتی ئێمەیان کردووە، کە بەرپرسەکەیان بە نەخۆشی کۆچی دوایی کردووە، بۆیە راگەیاندنی ھەندێک دواکەوت".

محەمەد ووتیشی: "ھەموو کارەکان تەواو بوونە و تەنھا ماوە راپۆرتەکە ببینین و تیمی دەستەکەشمان لەگەڵ رێکخراوی کاری جیھانی لە ئیشکردندان، بۆ ئەوەی راپۆرتی سەرەتایی ئامادە بکەن تا ھەفتەی داھاتوو و دواتریش بە شێوەی فەرمی ڕووپێوی بێکاری رابگەینین، تا رێژەی ربێکاری لە ھەرێمی کوردستان دیاری بکرێت، کە ئێستا چەند لە سەدە".