ڕۆژنامەیەکی قەتەری : ئەوەی لە ناوخۆی یەکیتی دا ڕوودەدات یەکلابوونەوەی ملمڵانێی هەر دوو ووڵاتی ئێران و ئەمریکایە
پەیامی کورد ... ڕۆژنامەیەکی قەتەری : ئەوەی لە ناوخۆی یەکیتی دا ڕوودەدات یەکلابوونەوەی ملمڵانێی هەر دوو ووڵاتی ئێران و ئەمریکایە
بە پێی نووسراوی ڕۆژنامەیەکی قەتەری باس لەوە دەکات کە ئەوەی لە ناوخۆی یەکیتی دا ڕوودەدات یەکلابوونەوەی ملمڵانێی هەر دوو ووڵاتی ئێران و ئەمریکایە هەروەها نووسیویەتی ئێستا پاڤڵ تاڵەبانی لە بەرەی ئێراندایە و یەکیتی بووەتە گۆڕەپانی تۆڵەسەندنەوەی حیساباتی ئێران و ئەمریکا
ڕۆژنامەی " العربی جدید " ی قەتەری لە ڕاپۆرتێکدا باس لە کێشە ناوخۆییەکانی یەکیتی کردووە و لە زاری سەرچاوەیەکەوە ئاشکرای دەکات ، زۆرینەی ئەندامانی سەرکردایەتی یەکیتی ئێستا لەگەڵ پاڤڵ تاڵەبانیدان ، بەڵام ئەوانەی لە ئیدارەی ئەمریکاوە نزیکن پاڵپشتی لاهوور جەنگی دەکەن
هەروەها ئاشکرای دەکات لە ڕۆژانی داهاتوودا زنجیرەیەک گۆڕانکاری دیکە لە ناوخۆی ئەو حیزبە ڕوودەدات کە گرینگترینیان دۆسیەی تەقەکردن لە خۆپیشاندەرانی خۆپیشاندانەکەی ساڵی ڕابردووی پارێزگای سلێمانی یە .
هەر چەندە ڕاستییەکان زۆر قووڵتر و ئاڵۆزتر لەو شتەیە کە دەوترێ و دەبینرێت
هەروەها لەم نێوەندەدا پێشنیار ئەوە دەکرێت کە بەرهەم ساڵح وەک سکرتێری گشتی یەکیتی نیشتیمانی هەڵبژێردرێت و پاڤڵ تاڵەبانی و لاهوور جەنگیش وەک ئەندامانی ئاسایی ئەم حیزبە کارەکانیان بەردەوامی پێ بدەن ،
لێرەدا ئەوەی شرۆڤەی بۆ دەکرێت کارە نهێنییەکانی بەرهەم ساڵح ە کە ژێر بە ژێر لەگەڵ ووڵاتی ئێران دەیکات و دەماری زۆرێک لە ئاڵۆزییەکانی کوردستان بە گشتی لە ناو یەکیتی بە ئەو ناو دەبردرێت و هەروەها
دیداری ڕۆژی چوارشەممەی بەرهەم ساڵح له‌گەڵ مه‌حموود عه‌لەوی، وه‌زیری ئاسایشی نیشتمانی ئێران ە کە لەو دیداره‌دا گفتوگۆ دەرباره‌ی په‌یوه‌ندییه دووقۆڵییه‌كانی نێوان هه‌ردوو ووڵاتی دراوسێ و گرینگی په‌ره‌پێدانی بۆ ئاستێكی به‌رزتر له سه‌رجه‌م بواره جیاجیاكان، به‌جۆرێك خزمه‌ت به به‌رژه‌وه‌ندی هاوبه‌شی هه‌ردوو ووڵات و هه‌موو ناوچه‌كه بكات.
ھه‌ر له دیداره‌كه‌دا بەرهەم ساڵح جه‌خت له‌سه‌ر قووڵی پێوه‌ندییه مێژوییه‌كانی نێوان عێراق و كۆماری ئیسلامی ئێران و پێویستی فراوانكردنی ھاریكاری دووقۆڵی نێوان هه‌ردوو ووڵات له سه‌رجه‌م بواره‌كاندا، ھاوكات دووپاتكرده‌وه، "عێراقێكی تواناداری خاوه‌ن سه‌روه‌ری و سه‌قامگیر و پاراستنی په‌یوه‌ندییه ھاوسه‌نگه‌كانی له‌گه‌ڵ وڵاتانی دراوسێ و ناوچه‌كه ده‌بێته فاكته‌رێك بۆ سه‌قامگیری و به‌یه‌كگه‌یشتی به‌رژه‌وه‌ندیی هاوبه‌شی ووڵاتانی ناوچه‌كه، ھه‌روه‌ك ده‌بێته مایه‌یی به‌ھێزكردنی سه‌قامگیری و ئاسایش و ئاشتی له ناوچه‌كه‌دا، ھه‌روه‌ھا پشتیوانی كۆماری ئیسلامی ئێرانی له عێراق به‌رزنرخاند، به تایبه‌تی له روبه‌ڕوبونه‌وه‌ی تیرۆر و داعش.
لای خۆییه‌وه وه‌زیری ئاسایشی نیشتمانی ئێران جه‌ختی له‌سه‌ر گرینگی په‌یوه‌ندیی نزیكی نێوان هه‌ردوو ووڵات و گه‌ل كرده‌وه و پشتیوانی سه‌ركردایه‌تی ئێران یشی بۆ پاراستنی ئاسایش و سه‌قامگیریی عێراق و پته‌وكردنی هه‌ماهه‌نگی دووقۆڵی دووپاتكرده‌وه، به‌ئاراسته‌ی رووبه‌ڕووبوونه‌وه‌ی تیرۆر و تووندڕه‌وی و چه‌سپاندنی ئاشتی له ناوچه‌كه‌دا.
ئەوەی جێگای گرینگیدانە لەم سەردانەدا ئەوەیە کە لە ئێستادا کێشە ناوخۆییەکانی ناو یەکیتی نیشتیمانی گەیشتووەتە ئاستێکی مەترسیدار و کەسانی بەرپرسیاری ئەمنی و هەواڵگری بۆ چی دەبێ لە کاتێکی وەها هەستیار دا سەردانی بەرهەم ساڵح بکەن ئایا لەم نێوەندەدا چ ئاڵۆگۆڕێکی ئەمنی و هەواڵگری دەبێ بێتە ئاراوە و ئەوەی لە سلێمانی ڕوویداوە دەگاتە چ قۆناغێک ، بە ڕای چاودێرانی سیاسی مەترسییەکی گەورە لە ناوچەی سلیمانی بەدی دەکرێت ئەگەر کورد بە جیددیەتێکی ژیرانە و یەکریزیانەوە مامەڵە لەگەڵ ئەم ئاڵۆزییانەی ئەم دواییە نەکەن
بەرهەم ساڵح دەیەوەێ بگاتە چ مەبەستێکی وێرانکەر یا خود ئەگەر خودا هاوکاری بکات ببێتە هۆکاری ئاشتەوایییەک کە سەقامگیری پارچەی ووڵاتەکەی پێ دەستەبەر بکات نە وەک ببێتە دەستێکی پیس بۆ تێکدانی سەقامگیری ووڵاتەکەی خۆی و بە ناو ئاوەدانی بۆ عێراق ، وەک خۆی دەیوت پیاو دەبێ حۆرمەتی هەبێت ،
چاوەڕوانی ئەوە دەکەین چیتر بەرهەم ساڵح وەکوو پێشان درووشم بڵاو نەکاتەوە و دواتر شەرمەزاری بۆ خۆی بمێنێتەوە ئەویش لە سەر ڕێبازی کەسانی چەوساوە و قارەمان و ووڵات پارێز
لە چەند ڕۆژی ڕابردوودا پاش ئەوەی باڤڵ تاڵەبانی هاوسەرۆکی یەکێتی بڕیاری گۆڕینی چەند بەرپرسێکی ئەمنیی نێو دەزگای زانیاری و دەزگای دژەتیرۆری دا کێشەی نێوخۆ لە نێوان هەر دوو هاوسەرۆکی یەکێتی باڤڵ تاڵەبانی و لاهوور شێخ جەنگی ڕووی دا. کێشەکان گەشتە ئەو ئاستەی باڤڵ تاڵەبانی خۆی وەک سەرۆکی یەکێتی ناساند و ئەوەش کاردانەوەی شێخ جەنگی لێکەوتەوە.
لە درێژەی ناکۆکییەکاندا سەرکردایەتیی یەکێتی کۆبوونەوەی لە سەر بابەتەکە کرد و شەوی ڕابردوو بڕیار درا کە لاهوور شێخ جەنگی وەک هاوسەرۆکی یەکێتی بمێنێتەوە بەو مەرجەی دەسەڵاتی نەبێت تا ئەو کاتەی کۆبوونەوەی دوایی سەرکردایەتی یەکێتی دەکرێت.
ئەم بابەتە 11988 جار خوێندراوەتەوە