پەیامی کورد      ...   ڕۆژنامەی یەنی شەفەق ی تورکی: ئەمریکا لەسەر هەڵکردنی ئاڵای پەکەکە و وێنەی ئۆجالان هۆشداری داوەتە مەزڵووم کۆبانێ .

ڕۆژنامەی یەنی شەفەق ی نزیک بە حکوومەتی تورکیا ڕایگەیاندووە کە نوێنەری ئەمریکا تایبەت بۆ کاروباری سووریا " دەیڤید برۆنستێنی بە هۆی بە کار هێنانی وێنەی ڕابەری پەکەکە عەبدۆڵلا ئۆجاڵان و هەروەها ئاڵای ئەو پارتە لە ڕۆژئاوای کوردستان ناڕازیبوونی خۆی ڕاگەیاندووە و لە پەیامێکدا هۆشداری داوەتە فەرماندەی گشتی هێزەکانی سووریا دیمۆکراتیک " هەسەدە " مەزلووم کۆبانی لەمبارەیەوە .

ئەمە لە حاڵێکدایە کە ئەرتەشی تورکیا لە ٢٣ ی نیسان دا لە دژی بنکە و بارەگاکانی پەکەکە لە هەرێمی کوردستان ئۆپراسیۆنێکی بەرفراوانی دەست پێکردبوو ودواتریش دوای هێرشەکەی سەر چیای مەتینان لە ١٥ ی حۆزەیران دا پەیوەندییەکانی نێوان پارتی دیمۆکراتی کوردستان و پەکەکە ئاڵۆز بوو . لە ڕۆژئاوای کوردستان لە شاری قامیشڵۆ لە ١٠ی حۆزەیران ەوە لە دژی ئۆپراسیۆنەکانی تورکیا و پارتی دیمۆکراتی کوردستان ڕێپێوانیان ئەنجام دابوو و هەروەها ئاڵای پەکەکە و ئۆجاڵان یان هەڵکردبوو .

هەر لەمبارەوەیەوە بە گوێرەی ڕاگەیاندنی ڕۆژنامەی یەنی شەفەق دەیڤید برۆنستینی لە ڕێگای پەیوەندی تەلەفۆنی یەوە هۆشداری دەداتە فەرماندەی گشتی هێزەکانی سووریای دیمۆکراتیک موزڵووم کۆبانی سەبارەت بە بەرزکردنەوە و هەڵکردنی ئاڵای پەکەکە و عەبدۆڵلا ئۆجاڵان و داوای کردووە سەمبۆل و ئاڵای پەکەکە لە ڕۆژئاوای کوردستان بەرز نەکرێتەوە .

ئەم بابەتە 11995 جار خوێندراوەتەوە