پەیامی کورد      ...    ژمارەیەک لە کۆماریخوازەکانی سێنای ئەمریکا پێلانێکیان بۆ گەمارۆدانی مافی مرۆڤ لە سەر عەلی خامنەیی و ئیبراهیم رەئیسی دەخەنەڕوو .

تێد کرووز ئەندامی کۆماریخوازەکانی سێنای ئەمریکا هاوکات لەگەڵ ١٦ سێناتۆری دیکەی کۆماریخواز بۆ سەپاندنی گەمارۆگەلێکی مافی مرۆڤ لە دژی عەلی خامنەیی ، ڕابەری باڵای ئێران و ئیبراهیم رەئیسی پیلان و پڕۆژێکتێکیان خستووەتە بەر دەستی کۆنگرە .

تام کاتن ، جان باراسوو ، کوویین کرێمێر ، ڕان جانسۆن ، تام تێلیس ، ڕاجێر مارشاڵ ، لیندزی گراهام ، ڕیک سکات ، مایک ڕاوندز ، مایک بران ، بیل هێگرتی ، جان هاون ، جان کۆرنین ، سەندی هاید سمیت ، تاد یانگ و مارکۆ ڕۆبیۆ باقی ئەندامانی واژووکەری ئەم پرۆژێک یەن .

تێد کرووز بە ئاماژەدان بە سێنای ئەمریکا نووسی : خامنەیی بە خۆبەستنەوەی زۆرەملی بە فەساد ، تووندووتیژی  و دەست بەسەرداگرتنی ماڵ و مۆڵکی خەڵک ، ماڵ و سەروەتی دزراوی خەڵکی ئێران کۆدەکاتەوە و ئیبراهیم رەئیسی بەرپرسی کوشتنی دەیان هەزار ئێرانی بێتاوانە . هەر دووی ئەم دوو کەسە دەبێ بکەونە ژێر تووندترین گەمارۆگەلی ئەمریکاوە .

جان باراسوو ، سێناتۆری کۆماریخوازەکان ، بە ئاماژەدان بەوەی کە خامنەیی و رەئیسی  " پێشینەی مافی مرۆڤی زۆر تۆقێنەر و مەترسیدار "یان هەیە و لە ژێر چاودێری ئەوان دا هەزاران بەندکراوی سیاسی ئێرانی لە سێدارەدراون ووتی کە دەوڵەتی ئەمریکا دەبێ لە جیاتی هەڵوەشاندنەوەی گەمارۆگەلی کۆماری ئیسلامی لە دژی ئەم کۆمارە مەترسیدارە ڕاوەستێت و گەمارۆ دوو کەس لە " گەورەترین پێشێڵکارانی مافی مرۆڤی جیهان " خاڵێکی سەرەکی باش بۆ ئەم کارەیە .

هەروەها سێناتۆر کۆئین یش وەک بەرگری کردن لەم پڕۆژێکتە نووسی کە خامنەیی و رەئیسی لە بەرپرسیاریەتییەکانی خۆیان بۆ دەوڵەمندکردنی خۆیان کەڵک وەردەگرن و لەهەمان کاتدا بۆ ترساندن و تۆقاندنی هاووڵاتیانی ئێران و هاوپەیمانانی ئەمریکا بەردەوامی دەدەن .

هەروەها کرێمێر نوسی : پڕۆژێکتەکەی ئێمە دەبێ هۆکاری ئەوەی کە جۆ بایدن نەتوانێ گەمارۆوەکانی ئەم " ئەندامە فاسد انەی ئەم ڕژیمە " هەڵبوەشێنێتەوە

ئەم بابەتە 11990 جار خوێندراوەتەوە