ژمارەیەک ناوچەی دیمەشق لە لایەن ئیسرائیل ەوە بوردومان کرا
پەیامی کورد ... ژمارەیەک ناوچەی دیمەشق لە لایەن ئیسرائیل ەوە بوردومان کرا
میدیای فه‌رمی سووریا بڵاویكرده‌وه، ئه‌مشه‌و ئیسرائیل هێرشێكی ئاسمانی بۆ سه‌ر ده‌ورووبه‌ری دیمه‌شقی پایته‌ختی سووریا ده‌ستپێكردوه و به‌شێكی هێرشه‌كانیش له‌ڕێگه‌ی سیستەمی به‌رگری ئاسمانی یه‌وه پووچه‌ڵ كراونه‌ته‌وه.
به‌گوێره‌ی میدیای فه‌رمی سووریا ، به‌رگری ئاسمانی سووریا ووڵامی ژماره‌یه‌ك هێرشی ئاسمانی ئیسرائیلیان دایه‌وه كه له به‌رزاییه‌كانی جۆلانه‌وه ئاڕاسته‌ی دیمه‌شقی پایته‌خت كرابوون و
ئاماژه‌ی به‌وه‌شكردوه، "ده‌ستدرێژیی ئیسرائیل، ده‌ورووبه‌ری دیمه‌شق ی پایته‌خت ده‌كاته ئامانج و هێزه‌كانی به‌رگری ئاسمانی سووریا ڕووبه‌ڕووی ئامانجی دوژمنكارانه ده‌بنه‌وه".
ژماره‌یه‌ك له مووشه‌كه‌كانی ئه‌مشه‌وی ئیسرائیل كه دیمه‌شق یان كردبوه ئامانج خراونه‌ته خواره‌وه و به‌شێكی دیكه‌شیان ئامانجه‌كانیان پێكاوه، به‌ڵام تا ئێستا هیچ زانیاریه‌ك له‌باره‌ی زیانه‌كان نه‌خراوه‌ته‌ڕوو.
وه‌زاره‌تی به‌رگری سووریا رایگه‌یاند، ئه‌مڕۆ شه‌ممه "به‌رگرییه ئاسمانییه‌كان ووڵامی هێرشێكی ئاسمانی ئیسرائیلیان دایه‌وه كه له به‌رزاییه‌كانی جۆلانه‌وه ئاڕاسته‌كرابوون و زۆربه‌ی مووشه‌كه‌كانیان خستووەته‌خواره‌وه".
ئەم بابەتە 12003 جار خوێندراوەتەوە