پەیامی کورد      ...    ژمارەی قوربانییەکانی لافاوەکەی ئاڵمانیا بۆ زیاتر لە ١٣٠٠ کەس بەرز دەبێتەوە .

لە دوای باران بارینی بەهێزی ، هەزاران کەس لە ئەورووپا بیسەرشوێن بوونە و هەروەها ژمارەی قوربانیانی لافاوەکەی ئاڵمانیا بۆ زیاتر لە ١٠٠ کەس بەرز دەبێتەوە .

تاکوو ئێستا ٨١ کەس لە ئاڵمانیا و ١١ کەس لە بەلژیکا بەهۆی درووستبوونی لافاو کە ڕۆچوونی زەویشی لەگەڵدا بوە گیانیان لە دەستداوە .

بەگوێرەی هەواڵێکی ئاژانسی DW-ی ئاڵمانی، لافاوەکەی ئاڵمانیا و بەلژیکا کە رۆچوونی زەوی نیشی بەدوادا هاتوە، تائێستا بوەتە هۆی گیان لەدەستدانی ٨١ کەس لە ئاڵمانیا و ١١ کەس لە بەلژیکا، هەروەها لە ئاڵمانیا زیاتر لە ١٣٠٠ کەس بێسەروشوێنن.
 
بەگوێرەی زانیارییەکان، ئەو لافاوە کە لە ئەنجامی بارانێکی بەخوڕ درووستبوە، نە تەنیا ناوچەکانی رۆژئاوای ئاڵمانیای گرتوەتەوە بە تایبەتی هەردوو هەرێمی نۆرد راین ڤێستفاڵن و رینلاد و هەروەها ووڵاتانی بەلژیک و هۆڵەندا شی گرتووەتەوە.
ئاوی لافاوەکە لە هەندێ شوێن تاوەکو ئەژنۆ بەرزبوەتەوە و خێراییەکەی لە ٢٠ کیلۆمەتر لە کاژێرێکدا زیاترە.

تاوەکوو زیاتر بەرەو رۆژئاوا بڕۆیت، بەرزبوونەوەی ئاستی ئاوی لافاوەکە زیاتر دەبێت، وەک لە ناوچەی رینە زیت لە ڤێستفالن لە رۆژئاوای ئاڵمانیا، کە لە ١٢ کاژێری رابردوادا هێندە باران باریوە، هەر یەک مەتر چوارگۆشە نزیکەی ٨٠ لیتر ئاوی لێ کۆبوەتەوە.

ئارمین لاشێت، سەرۆکوەزیرانی هەرێمی نۆرت راین ڤێستفالن دەڵێت: "تائێستا دیمەنێكی رونمان بۆ بارودۆخەکە لەبەرچاو نییە و نازانین بە تەواوەتی ژمارەی قوربانییان چەندە. چەندین کەس بونەتە قوربانی ئەم کارەساتە"
لافاو لە دەرگا و پەنجەرە و دیواری ماڵان دێتە دەرەوە، هەزاران کەس ئاوارە بوون، زیانە ماددییەکانیش لە هەژمار نایەن.
لە پات مونستەئایفل  نزیک لە سنووری بەلژیکا بارودۆخەکە خراپترە، کارەبای هەموو ناوچەکە بڕاوە. سیگفرید بێرگ، دانیشتوی پات مونستەئایفلە دەڵێت: "کەوتوینەتە ناو بارودۆخێکی خراپەوە؛ ماڵەکانمان پڕ بوون لە قوڕ و لیتە. پردەکان رووخاون و هەندێ خانووش لە خوارەوە لەناوچوون، وەک شەڕی جیهانی دووهەمی لێهاتوە".

ئەم بابەتە 11989 جار خوێندراوەتەوە