پەیامی کورد     ...   بەپەلە    شەڕێکی زۆر گران لە نێوان هێزەکانی سوپای پاسداران و هێزیکی کوردی لە ڕۆژهەڵات لە ئارادایە

هێزەکانی سوپای پاسدارن و بەکرێگیراوانی ئەو هێزە لەنێو شاری "شنۆ" و گوندەکانی ئەو شارە بڵاوەیان پێکراوە و چاودێریی هاتووچۆی خەڵک دەکەن.

بە گوێرەی هەواڵ و زانیارییەکان لە ئێوارەی ١٢ی جووڵای هێزەکانی سوپای پاسداران بە چەکی نیوەقورس وەک دۆشکا لە شەقامەکانی ئەو شارەدا خەریکی چاودێری و گەشت لێدانن و . هەروەها لە نێو شاردا بە چەکی سووک جێگیر کراون و چاودێریی خەڵک دەکەن.
بەپێی زانیارییەکان تەنانەت ڕێژیم لە ڕێگاکانی چوونی ناو گوندەکان و ڕێگای نێوان گوندەکان خاڵی پشكنینی داناوە و خەڵک کۆنترۆڵ دەکات.

سوپای پاسداران لە گوندەکانی "نەرزیوێ، تاچیناوێ" ڕێگای گوندەکانی "خاڵتاوێ" هەتا "حەسەن نووران" خاڵی پشکنینی داناوە.

زۆربەی گوندەکان و تەنانەت مەزرا و مووچەی خەڵک لە ئێستادا بەو شەو هێزی نیزامی بۆ ڕەوانە دەکرێت و لە نێو مەزرای خەڵکدا جێگیر بوونە.

هەروەها باس لەوە دەکرێت ئەو هێزانەی بە ئۆتۆمبێلی جۆری 4/5 لە شەقامەکانی شاردا دەگەڕێن.

زانیارییەکان باس لەوە دەکەن ڕێژیمی ئێران لە ترسی خۆپیشاندانی خەڵک لە ١٣ی جووڵای  بەم شێوەیە هەڵسوکەوت دەکات.

لە ئێستادا دۆخی ئەو شارە و گوندەکانی زۆر ئەمنییەتی کراوە.

بە پێی نوێترین هەواڵ تێکهەڵچوونێکی زۆر گران لە نێوان هێزەکانی سوپا و هێزەکانی یەکێک لە حێزبە کوردییەکانی دژبەری حکوومەت لە گوندی نرزیوە سەر بە شارۆچکەی شنۆ هاتووەتە ئاراوە و هەروەها ئەم تێکهەڵچوونە بە گرانی لە بەردەوامی دایە و تاکوو ئێستا هیچ زانیارییەکی زیاتر سەبارەت بە ژمارەی کوژرا و یا خود برینداری ئەم تێکهەڵچوونە لە بەردەستدا نییە .

هەروەها شەڕەکە بە قووڵی گەیشتوەتە ناوەندی گوندی قوروشاوێ .

 

ئەم بابەتە 11987 جار خوێندراوەتەوە