پەیامی کورد      ...   ژمارەیەکی بەرچاو لە کۆڵبەرانی سنووری چاڵدران لە لایەن هێزە چەکدارەکانی ئێرانەوە سەرکوت و لێیان دەدرێت

بە پێی زانیاریگەلی نوێ ڕۆژی دووشەممە ١٩ی جووڵای ٢٠٢١ ، ژمارەیەک کۆڵبەر بە ناوەکانی "جەمال حەسەن پور" " باران حەسەن پور" "حسێن فیرووزی" "وەلی مۆقیمی" و "حەمید عەبدۆڵڵا" لەلایەن هێزە چەکدارەکانی کۆماری ئیسلامییەوە هێرش دەکرێتە سەریان و پاش لێدان و کوتانیان، بە سەختی برینداریان دەکەن ناوبراوان ناچار دەبن بۆ چارەسەری برینەکانیان سەردانی نەخۆشخانە بکەن.

ئەم کۆڵبەرانە لە کاتی کۆڵبەریکردن لە نزیکی گوندی "عیسا گولیک" سەر بە پارێزگای "چالدێران" لەلایەن هێزەکانی پاسگای "سەقیز میلەی ٢٠٧ ، ٢٠٨" بە فەرماندەیی''سادق زادە''  لەنێو ڕێگەدا ڕاگیراون، کەوتوونەتە ژێر کوتان و لێدانی هێزە چەکدارەکانی سەر سنوور.

ڕۆژانی ڕابردووشدا؛ ڕۆژی پێنجشەممە ی ڕابردوو هێزە چەکدارەکانی کۆماری ئیسلامی ڕێگە لە کاروانێکی کۆڵبەر لە سنووری نەوسوود لە نزیکی دوواو سەر بە پارێزگای کرماشان دەگرن و بە سەختی ئازار و ئەشکەنجەی کۆلبەران دەدەن و سێ کەسیان بە ناوەکانی" ئەنوەر مورادی"خەلیل سولەیمانی" و "خەلیل مەحموودی" بەسەختی بریندار دەکەن و ڕەوانەی نەخۆشخانەیان دەکەن.

 

ئەم بابەتە 11991 جار خوێندراوەتەوە