پەیامی کورد    ... کتێبی " ڕەوتی خوداناسی لەمێژوودا " چاپ و بڵاو کرایەوە

کتێبی "ڕەوتی خوداناسی لە مێژوودا" لە نووسینی دکتور "حسێن خەلیقی" لەسەر مێژووی کۆن و نوێی شارستانییەتی مرۆڤ لە کولتووری جۆراوجۆر و شارستانییەتی نەتەوە و قەومە جۆراوجۆرەکاندا چاپ و بڵاو کرایەوە.

 نووسەر لەم کتێبەدا باس لەوە دەکات: “زۆر دەمێک بوو وەک بابەتێکی فەلسەفی، ئەو پرسیارە لە بیرمدا دەهات و دەچوو کە گەلۆ مرۆڤی سەرەتایی بێ گەیشتن بە پلەی تێڕامان و بیرکردنەوە و بێ چەکەرەکردنی هۆشی، چلۆن لە بوونەوەر یان چەند بوونەوەر کە بە تواناتر لە خۆی بن و شوێن لەسـەر چارەنووسی دابنێن، بیری کردووەتەوە و لە چ بنەمایکەوە دەستی پێکردووە".

دکتور "خەلیقی" باسی لەوە کردووە بۆ ووڵامدانەوە بەم پرسیارە، لەم نووسراوەدا، تێکۆشاوم، لاپەڕەکانی مێژووی کۆن و نوێی شارستانیەتی مرۆڤ هەڵدەمەوە و لە فەرهەنگی جۆراوجۆر و شارستانییەتی نەتەوە و قەومە جۆراوجۆرەکاندا بەپێی توانا بکۆڵمەوە و ڕەوتی بیرکردنەوە لە بوونەوەری بەرز و بەتوانا و شیاوی بەندەگی و قوربانی بخەمە بەر چاوی خوێنەر".

ناوبراو هەروەها باسی لەوە کردووە: "لەشەس شارستانییەت یان ئیمپراتووری کۆندا وەک میسر، ڕۆم، یوونان، چین، ژاپۆن، ڕووسیا ، میدیا و ئاشوور" و هەروەها لە مەڵبەندی دینە "ئیبراهیمـ"ـییەکاندا، بە چڕی ئەم ڕەوتە دەبیندرێ و منیش، بە کەڵک وەرگرتن، لەو شێوە بیرکردنەوە و خوداسازی و خوداناسیانە، ئەم نووسراوەم ئامادە کردووە هەتا نەتخوێندووەتەوە، تکایە لەبارەی دادوەری مەکە".

دکتور "خەلیقی" دکتورای لەبواری ئیلاهییاتدا هەیە و لە دەرەوەی ووڵات نیشتەجێیە.

ناوبراو ئەندامی پێشووی ڕێبەرایەتی حیزبی دێموکراتی کوردستانی ئێران بووە.

ئەم بابەتە 11994 جار خوێندراوەتەوە