پەیامی کورد      ...    کرێملین :  رێککەوتننامەکانی تایبەت بە سیستەمی ستراتیژی ئەمنی تێکدراون

ووتەبێژی کۆشکی سەرۆکایەتی رووسیا (کرملین) رایگەیاند، رووبەڕووی کۆمەڵێک هەنگاوی ئەمریکا و ناتۆ بوونەتەوە کە بوونەتە هۆی تێکدانی یەکسانییە هەنووکەییەکان لە بواری چەکدا.

دیمیتری پێسقۆڤ، ووتەبێژی کۆشکی سەرۆکایەتی رووسیا (کرملین) لە شاری مۆسکۆ لە میانەی لێدوانێکدا بۆ رۆژنامەوانان رایگەیاند، ووڵاتەکەی مووشەکی هایپەرسۆنیکی (خێراتر له‌ خێرایی ده‌نگ) "تسیرکۆن"ی تاقی کردوەتەوە، ئاماژەشی بە کاردانەوەکانی ئەمریکا لەو بارەیەوە دا و ووتی، "رێککەوتننامەکانی تایبەت بە سیستەمی ستراتیژی ئەمنی تێکدراون".

ئاماژەی بەوەشکرد، "رووبەڕووی کۆمەڵێک هەنگاوی ئەمریکا و ناتۆ بووینەتەوە کە بونەتە هۆی تێکدانی یەکسانییە هەنووکەییەکان لە بواری چەکدا، ئەمە جێگیرکردنی سیستەمە بەرگرییەکان لە رۆمانیا و ووڵاتانی نزیک لە سنووری رووسیا لە خۆدەگرێت، واتە هەموو ئەمانە بۆ تێکدانی ئەو یەکسانییانە ئەنجامدراون کە لە ئێستادا هەن".

ووتەبێژی کۆشکی کرملین باسی لەوەشکرد، رووسیا لە بەرامبەر هەنگاوی لەم شێوەیەدا رێوشوێنی پێویستی گرتوەتەبەر و "پێویست بو رووسیا بۆ دەستەبەرکردنی ئاسایشی خۆی و بەردەوامیدان بەو یەکسانییەی ئێستا، کۆمەڵێک رێوشوێن بگرێتەبەر کە ئەنجاممان داون".

ئەم بابەتە 11988 جار خوێندراوەتەوە