پەیامی کورد      ...   کۆتایی یەکەمین دەورەی گفتۆگۆ و ووتووێژەکانی نێوان ئەفغانییەکان لە تاران

یەکەمین دەورەی گفتۆگۆ و ووتووێژی نێوان ئەفغانییەکان لە تاران بە ووتاری وەزیری کاروباری دەرەوە ، بەرپرسانی شاندەکانی هەر دوو لایەنی کۆماری و تاڵیبان و دەرکردنی بەیاننامەیەکی ٦ ماددەیی کۆتایی پێهات 

حکوومەتی ئەفغانستان و رێکخراوی تاڵیبان وەک دوو لایەنی بەشداربووی کۆبوونەوەکانی تاران راگەێندراوێکی هاوبەشیان لەبارەی کۆبونەوەی ئاشتی نێوانیان بڵاوکردەوە و تێیدا هاتووە، هەردوو لایەنی کۆبوونەوەکە هاوڕا بوون لەسەر ئەوەی کە شەڕ چارەسەری کێشەکان ناکات و پێویستە بەدوای رێگەچارەدا بگەڕێن.

ئەمڕۆ پێنجشەممە دوای ئەنجامدانی کۆبونەوە، لایەنەکانی حکوومەتی ئەفغانستان و رێکخراوی تاڵیبان وەک دوو لایەنی بەشداربووی کۆبوونەوەکانی تاران راگەێندراوێکی هاوبەشیان لەبارەی کۆبوونەوەی ئاشتی نێوانیان بڵاوکردەوە و تێیدا هاتووە، هەردو لایەنی کۆبونەوەکە هاوڕا بوون لەسەر ئەوەی کە شەڕ چارەسەری کێشەکان ناکات و پێویستە بەدوای رێگەچارەدا بگەڕێن.

هەردوولایەنی کۆبوونەوەکە ستایشی هەوڵەکانی تارانیان کردوە بۆ بەرقەرارکردنی ئاشتی لەئەفغانستان و پێیانوایە دڵسۆزانە هەوڵی نزیککردنەوەی لایەنە بەشەڕهاتوەکانی داوە.

لەراگەێندراوەکەدا ئاماژە بەوەش کراوە، بەشێوەیەکی روون و راستەوخۆ گفتوگۆ لەسەر هەموو بابەتەکان کراوە و هەردوولا تاوتوێکردنی ئەو بابەتانەیان پێش خستوە کە پێویستی بەروونکردنەوە و گفتوگۆی زۆر هەیە، لەوانە، میکانیزمی گواستنەوەی ووڵاتە لەجەنگەوە بۆ ئاشتی هەمیشەیی.

بڕیاریشدراوە، کۆبوونەوەی داهاتوو بەم نزیکانە ئەنجام بدرێت و جگەلەو پرسە هەنوکەییانەی کە باسکران، هاوکات چۆنیەتی بەرجەستەکردنی سیستەمێکی ئیسلامی تاوتوێدەکرێت.

ئەم بابەتە 11988 جار خوێندراوەتەوە