پەیامی کورد     ...    کۆریای باکوور ، بە کێشە و ئاڵۆزی ئەمنییەتی هەڕەشە لە ئەمریکا و کۆریای باشوور دەکات .

کۆریای باکوور بۆ دووهەمین جار لە ٢٤ کاتژمێری ڕابردوودا وەکوو دەربڕینی ناڕەزایەتی بە دەستپێکردنی نەمایشی سەرەتایی سەربازی لە سەرەتای نەمایشی گەورەی نیزامی هاوینی نێوان سێئوول و واشینتۆن لە دراوسێی باشووری خۆی بە تووندی ڕەخنەی گرت .

بە پێی ڕاپۆرتێک کیم جوونگ چوول سەرۆکی کۆمیتەی ناوەندی حێزبی حاکمی کرێکارانی کۆریای باکوور ، ڕۆژی چوارشەممە ڕایگەیاند : کۆریای باشووری دەرفەتی گۆڕانکاری دۆخەکەی ڕەت کردەوە و ڕاهێنان گەلی سەربازی لە ١٠ی ئەم مانگەوە دەست پێکرد .

چوول جەختی کردەوە کە پیوونگ یانگ لە هەر ساتێکیدا کۆریای باشوور و ویلایەتەیەکگرتووەکان ناچار دەکات کە لە دەرئەنجامی بڕیاری هەڵەی خۆیان لەگەڵ کێشە و ئاڵۆزی ئەمنییەتی جیددی بەرەوڕوو دەبنەوە .

چووڵ ووتی کە کۆریای باشوور دەرفەتێکی بۆ باشترکردنی پەیوەندییەکانی نێوان دوو کۆریا لە دەستدا و بە ڕەفتارێكی شەڕئەنگێزانەوە ووڵامی نیەت پاکی کۆریای باکووری دایەوە . کۆریای باشوور ئاشتی و متمانە بە نەفسی نیشان دا ، تەنیا بە یاری کردن بە ووشەکان .

ئەو ووتی : تا ئەو کاتەی کە کۆریای باشوور و ویلایەتەیەکگرتووەکان بڕیاری بەرەنگاربوونەوەیان لەگەڵ ووڵاتەکەی ئێمەدا داوە ڕوون و ئاشکرایە کە ئێمە هیچ چارەیەکی دیکەمان نییە .

 

ئەم بابەتە 11990 جار خوێندراوەتەوە