پەیامی کورد      ...   کۆگا مووشەکییەکانی سوپای قودس و ئەرتەشی سووریای لە حەلەب و ئەلسەفیرە بە شیوەی یەکجاری لە لایەن فڕۆکەکانی ئیسرائیل ەوە  بۆمباران و خاپوور کران

 ئەمڕۆ ٢٠ی جووڵای ٢٠٢١ فڕۆکە شەڕکەرەکانی هێزی ئاسمانی ئیسرائیل، چەندین جار بنکەکانی سەر بە میلیشیاکانی سەر بە سوپای قودس و هەروەها کۆگای تەقەمەنی گرینگی ئەرتەشی سووریا لە فڕۆکەخانەی شاری "حەلەب" و دەورووبەری ئەو شارە و ناوەندێکی درووستکردنی مووشەکی بالستیکی ئەرتشی سووریای،  لە ناوچەی "ئەلسەفیرە"، بۆمباران کرد.

ووتەبێژێکی ئەرتشی سووریا لە وتووێژی خۆیدا لەگەڵ میدیاکان باسی لەوە کردووە هێزی ئاسمانی ئەو ووڵاتە زۆربەی مووشەکەکانی ئیسرائیلی خستووەتە خوارەوە.

ڕێژیمی سووریا هیچ کات پشتڕاستی نەکردووەتەوە کە ئیسرائیل لە هێرشە ئاسمانییەکانیدا، بنکەکانی هێزەکانی ئێرانی کردبێتە ئامانج.

کاربەدەستانی سووریا دەڵێن، بوونی هێزەکانی ئێران لە سووریا تەنیا بۆ کاری ڕاوێژکاری نیزامی و سەربازییە.

هێرشی ڕۆژی دووشەممە بۆ سەر سووریا، یەکەمین هێرشه لەو کاتەی کە "نەفتالی بێنت"سەرۆکوەزیری نوێی ئەو ووڵاتە هاتووەتە سەر کار.

"بێنت"، جەختی کردووەتەوە کە بەدواداچوون لە سیاسەتی دەوڵەتی پێشوو بەرامبەر بە بوونی هێزەکانی ڕێژیمی ئێران لە سووریا دەکا.

ئەم بابەتە 11987 جار خوێندراوەتەوە