پەیامی کورد     ...  کۆڵبەرێک بە تەقەی هێزە چەکدارەکانی ئێرانی گیانی لە دەستدا و چەند کۆڵبەری دیکەش بریندار بوون

بە گوێرەی زانیارییەکان دوێنێ دووشەەممە ٢٦ی جووڵای ٢٠٢١ کۆڵبەرێکی کورد بە ناوی " فەردین ساڵحی " خەڵکی شاری بووکان بە هۆی تەقەی ڕاستەوخۆی هێزە چەکدارەکانی ڕژیمی ئێران لە سنووری " هەنگە ژاڵە " ی بانە گیانی لە دەستدا

هەر لەم هەواڵەدا ڕاگەێنداروە کە چەندین کۆڵبەری دیکەش لەم تەقەکردنەدا بریندار بوونە و هەروەها بنەماڵەى کۆڵبەرە کوژراو و بریندارەکان بەرامبەر بە نەخۆشخانەى سەلاحەدینی بانە کۆبوونەتەوە و دژى تەقەکردن لە پۆلێک کۆڵبەر لە لایەن هێزەکانى هەنگى سنووری لە سنووری هەنگەژاڵەى بانە ناڕەزایەتییان دەربڕی.

ئەویە جێگای ئاماژەدانە تەقەی هێزە چەکدارەکانی ئێران لەم ‌هێرشەدا بووەتە هۆى گیان لە دەستدانى کۆڵبەرێک و برینداربوونى ١٢ کۆڵبەرى دیکە.
ژمارەیەکى زۆرى دانیشتووانى شارى بانەش شەوی ڕابردوو، بەرامبەر قائیم مقامی شارەکە کۆ بوونەوە و ئەو ڕەفتارە دڕندانەیەى چەکدارەکانى ئێرانیان مەحکووم و شەرمەزار کرد.
هەر ئەمەش بووە هۆى دروستبوونى تووندوتیژى و لە ئەنجامدا وەک هەمیشە چەکدارەکانى کۆمارى ئیسلامى دەستیان بە تووندوتیژى و تەقە کرد.
خەڵکیش لەبەردەم نەخۆشخانەکەى شارەکە کۆ بوونەتەوە و ناڕەزایەتى و بێزارى خۆیان بەرامبەر دەسەڵاتى زۆردرانە و دڕندانەى چەکدارەکانى ئێران نیشان داوە

ئەم بابەتە 11987 جار خوێندراوەتەوە