پەیامی کورد     ...   کێشەی خێزانی دەبێتە هۆی کوژرانی ٥ کەسی ئەندامانی بنەماڵەیەک لە پاریزگای سنە

پیاوێک هاوژینەکەی و چوار ئەندامی دیکەی بنەماڵەی هاوژینەکەی بە چەک کوشت

 بە پێی زانیارییەکان پیاوێک لە یەکێک لە گوندەکانی نزیک بە شاری سنە دوای کوشتنی هاوژینەکەی، خەسوو و خەزووری و برای ژنەکەی و کەسیکی دیکەش، خۆی کوشت.

ئەمڕو هەینی ٦ی ئۆگۆستی ٢٠٢١ ، لە باخێکی گوندی خەڵیفە تەرخان سەر بە شاری سنە پیاوێک بە ناوی ڕەزا ئەحمەدیان بە چەک هاوژینەکەی بە ناوی "شیلان مەندوومی" و هەروەها  سێ کەسی دیکەی لە ئەندامانی بنەماڵەی هاوژینەکەی لەگەڵ خاوەن باخەکە کوشت.

بە ووتەی سەرچاوەیەکی ئاگادار، حەبیبۆڵڵا مەندوومی باوکی شیلان، برا و دایکی شیلان کوژراون و خاوەنی باخەکە بە ناوی ئارەش وەلیدی ش کوژراوە..

جێگای ئاماژەیە کە ڕەزا ئەحمەدیان دوای ئەوەی ئەم پێنج کەسەی بە چەک کوشتووە و کۆتایی بە ژیانی خۆشی هێناوە.
سەرچاوەیەکی ئاگادار لەمبارە ڕایگەیاند کە دوای ئەوەی شیلان بە هۆی کێشەی خێزانی تۆراوە و چووەتەوە بۆ ماڵ باوکی، ڕەزا ئەحمەدیان چووە لە ناو باخەکە هەموویانی کوشتووە.

بە ووتەی عەبدۆڵلا فاتحی لە ووتووێژێک لەگەل میدیا خۆجەییەکان دا ڕایگەیاندووە کە لە یەکێک لە گوندەکانی دەورووبەری حسێ ئاوای پارێزگای سنە بە چەکی ڕاو هاوسەر ، باوکی هاوسەرەکەی و خەسوو و برای هاوسەرەکە و هەروەها کەسێکی دیکەشی کوشتووە

ئەم بابەتە 11990 جار خوێندراوەتەوە