پەیامی کورد   ...   گرۆسی : سزاکانی سەر ئێران کار ناکەن

بەڕێوبەری گشتی ئاژانسی نێودەوڵەتی ووزەی ئەتۆمی لە چاوپێکەوتنێکدا لەگەڵ بلوومبێرگ ڕایگەیاند کە گەمارۆوەکانی سەر ئێران کار ناکەن و ئێران دەوریان دەدا.
بەڕێوبەری گشتی ئاژانسی نێودەوڵەتی ووزەی ئەتۆمی لە چاوپێکەوتنێکدا، بە ئاماژە بە پێشکەوتنەکانی بەرنامەی ناوەکی ئێران وتی: سزاکان کار ناکەن. تەواو ڕوونە کە ئەم ووڵاتە فێری ئەوە بووە کە بەدەریان بکات.
ڕافائیل گڕۆسی، بەڕێوبەری گشتی ئاژانسی نێودەوڵەتی ووزەی ئەتۆمی لە چاوپێکەوتنێکدا لەگەڵ بلوومبێرگ ڕایگەیاند، سزاکانی سەر ئێران کار ناکەن و ئێران دەوریان دەدات.

ناوبراو بە ئاماژەدان بە ڕاوێژەکانی لەگەڵ کاربەدەستانی ئێران لەم چاوپێکەوتنەدا ڕایگەیاند کە بەرپرسانی ئێران دڵنیایان کردۆتەوە کە چالاکی ئەتۆمی خۆیان لە گەمارۆوەکان دوور خستووەتەوە بە دووبارە ئامرازکردنی بەرهەمی ناوخۆیی و درووستکردنی زنجیرەی دابینکردنی بەدیل.

گرۆسی ڕایگەیاند: “گەمارۆکان کار ناکەن. تەواو ڕوونە کە ئەم ووڵاتە فێری ئەوە بووە کە بەدەریان بکات. "ئەم بەرنامەیە زۆر گەشەی کردووە، بەتایبەتی لە ساڵی ٢٠١٨ەوە".

وەک نموونەیەک لە بەردەوامی پێشکەوتنەکانی ئێران، بەڕێوبەری گشتی ئاژانسی نێودەوڵەتی ووزەی ئەتۆمی ئاماژەی بە پێنج مۆدێلی نوێی سانتریفیوجی پێشکەوتوو کرد کە ئێران لە دوای هەڵوەشاندنەوەی ڕێککەوتنی ئەتۆمی (بەرجام)ی ترامپ درووستی کردووە.

پێشتریش لە پەراوێزی کۆبوونەوەی دەستەی پارێزگاران، گرۆسی لە کۆنگرە ڕۆژنامەوانییەکەیدا، بێ ئەوەی ئاماژە بە کارلێکەکانی ئێران لەگەڵ ئاژانس یان دەست ڕاگەیشتنی بەرفراوانی ڕێکخراوەکە بە دامەزراوە ئەتۆمییەکانی ئێران بکات، ڕایگەیاندبوو: "ئەوەی پێویستمانە ئەوەیە کە هاوبەشییەکی بەرجەستەمان لەگەڵ ئێران هەبێت و ئەم هاوبەشییەش دەبێ لە هەموو بوارەکاندا بێت". ئەگەر گرینگی بەو بوارانە بدەین کە ئاماژەیان پێکراوە، بۆ نموونە سەبارەت بە شوێنی دیاریکراو و هەروەها ئاستی یۆرانیۆمی پیتێندراو، دەبێ بتوانین هاوبەشییەکی ڕاستەقینەمان لەگەڵ ئێران هەبێت. هەروەها کارلێککردن دەتوانێت بەرەو پێشەوەمان ببات و پێشکەوتن درووست بکات.

ناوبراو لە درێژەی قسەکانیدا ڕایگەیاند کە هەمیشە هەوڵ دەدات ڕوانگەیەکی ئەرێنی و بونیاتنەری هەبێت و ئەگەر ئەم کارلێککردنە هەبێت، دەتوانرێت پێشکەوتن بەدەست بهێندرێت، ئاماژەی بەوەشکرد: هێشتا نەگەیشتووینەتە دۆخی ئایدیاڵ و بۆ ئێستاش پێویستە سەرەتا شتەکان ڕوون بکرێتەوە و دواتر کارەکان بەردەوام بن.

دوابەدوای ئەم لێدوانانە، نوێنەرایەتی هەمیشەیی کۆماری ئیسلامی ئێران لە نووسینگەی نەتەوە یەکگرتووەکان و ڕێکخراوە نێودەوڵەتییەکانی دیکە کە بنکەکانیان لە ڤیەننایە، هەروەها بۆچوون و تێبینییەکانی خۆی سەبارەت بە ڕاپۆرتەکانی بەڕێوبەری گشتی بۆ دەستەی بەڕێوبەرانی ئاژانسی نێودەوڵەتی ووزەی ئەتۆمی دەربڕی، کە بەپێی ئەو ڕاپۆرتە جەختی لەسەر ئەوە کردەوە کە ئێران بە تەواوی پابەند بووە بە ئەرکەکانی خۆی، لەوانەش ڕێککەوتننامەی پاراستنی هەمەلایەنە (INFCIRC/214)، و هەموو هەوڵێکی داوە بۆ جێبەجێکردن ئاژانس بۆ ئەنجامدانی چالاکییەکانی پشتڕاستکردنەوە لە ئێران بە شێوەیەکی کاریگەر، لەوانەش ڕێوشوێنی کۆنترۆڵ و چاودێری (C/S) لەسەر کەرەستە و چالاکییە ئەتۆمییەکان لە ئێران.

شاندی ئێرانی ڕایگەیاند: فشارە سیاسییە بەردەوامەکانی چەند ووڵاتێکی دیاریکراو گەیشتووەتە قۆناغێک کە تەنانەت کێشە تەکنیکییە چارەسەرکراوەکانیش دواتر لە ڕاپۆرتەکانی ئاژانس دا بە پێچەوانەی ئەوەی کە لەسەری ڕێککەوتبوو دەگۆڕدرێن. ئەم فشارە سیاسییانە ڕێگرن لەوەی دەزگاکە ڕۆڵی پیشەیی و بێ لایەنانەی خۆی بەجێبهێنێت.

ئەم بابەتە 56 جار خوێندراوەتەوە