پەیامی کورد   ...  یائیر لاپید : جیهادی ئیسلامی سەر بە ئێرانە و بە دوای لەناوبردنی ئێمەیە

لە دوای هەڵگیرسانی ئاگری تێکهەڵچوونی نویی نێوان ئیسرائیل و جیهادی ئیسلامی " یائیر لاپید " سەرۆکوەزیرانی ئیسرائیل لە بەیاننامەیەکدا ووتی : جیهادی ئیسلامی ڕێکخراوی تێرۆریستی و سەر بە کۆماری ئیسلامی ئێرانە و ئامانج یشی لەناوبردنی ئیسرائیل ە .

لاپید جەختی کردەوە جیهادی ئیسلامی هەمان قسەکانی سەرانی ئێران لە بەرامبەر ئیسرائیل و یەهوودییەکانی نوێنەرایەتی دەکات ئەویش لەناوبردن و نەهێشتنی ئیسرائیل لە سەر گۆی زەوین ە .

دوابەدوای هاوێشتنی دەیان مووشەک لە لایەن لایەنەکان و کوژران و بریندار بوونی ژمارەیەک کەس لە هەر دوو لایەن ، جیهادی ئیسلامی پشتڕاستی کردەوە کە " تەیسیر جەعبەری فەرماندەی شاخەی سەربازی باکووری ئەم گرووپە لە دەرئەنجامی هێرشەکانی فڕۆکەگەلی شەڕکەری ئیسرائیلی یەوە کوژراوە .

سەرۆکوەزیرانی ئیسرائیل ڕایگەیاند کە " زیاد خۆخالە " سکرتێری گشتی جیهادی ئیسلامی فەلەستین لە تاران ئامادە بوو و بە هاندانی ئێران و لە غەززەوە ناوچەگەلێکی لە ئیسرائیل بە مووشەک کردە ئامانج .

 

ئەم بابەتە 11986 جار خوێندراوەتەوە