یاسای نوێ و تووندی کۆچ کردن بۆ فەڕەنسا
پەیامی کورد ... یاسای نوێ و تووندی کۆچ کردن بۆ فەڕەنسا
لە پێدانی پارەی پێشەکی لەلایەن خوێندکاری بیانی و سنووردارکردنی پێدانی ڤیزەی پزیشکییەوە تا نەبوونی ڕەگەزنامەی ئۆتۆماتیکی بۆ ئەو منداڵانەی لە فەڕەنسا لەدایک بوون بۆ دایک و باوکی کۆچبەر.
ئەو منداڵانەی لە فەڕەنسا لە دایک و باوکی کۆچبەر لەدایک بوون، پێشتر لە تەمەنی ١٨ ساڵیدا بە شێوەیەکی ئۆتۆماتیکی ڕەگەزنامەی فەڕەنسییان پێدەدرا. بەگوێرەی بڕیارنامەی پەرلەمانی فەڕەنسا، ئێستا دەبێت ئەو منداڵانە بە فەرمی داواکاریی ڕەگەزنامەیان لە نێوان تەمەنی ١٦ بۆ ١٨ ساڵیدا پێشکەش بکەن. لە لایەکی ترەوە داواکاری پێدانی ڕەگەزنامە بە هەر کۆچبەرێک کە لەلایەن دادگاکانی فەڕەنسا تاوانبار کرابێت، دژایەتی دەکرێت. هەروەها ئەگەری زەوتکردنی ڕەگەزنامەی فەڕەنسی لەو دوو هاووڵاتییە دەبێت کە کوشتنی پۆلیس و ئەفسەرانی جەندرمە ئەنجام دەدەن.
ئەم بابەتە 12015 جار خوێندراوەتەوە