یەکشەممە ئەم شوێنانە مووچەکانیان دابەش دەکرێت
پەیامی کورد ... یەکشەممە ئەم شوێنانە مووچەکانیان دابەش دەکرێت
وه‌زاره‌تی دارایی و ئابووری حكوومه‌تی هه‌رێمی كوردستان رایگه‌یاند، رۆژی یه‌كشه‌ممه مووچه‌ی مانگی (حوزه‌یران/٦)ی هه‌ریه‌ك له وه‌زاره‌ته‌كانی كاره‌با، شاره‌وانی و گه‌شتوگوزار، خوێندنی باڵا و توێژینه‌وه‌ی زانستی دابه‌شده‌كرێت.
سه‌رچاوه‌یه‌ك رایگه‌یاند، رۆژی یه‌كشه‌ممه ١١ی (ته‌موز/٧)ی ٢٠٢١ ده‌ست به‌دابه‌شكردنی مووچه‌ی مانگی (حوزه‌یران/٦) هه‌ریه‌ك له وه‌زاره‌ته‌كانی كاره‌با، شاره‌وانی و گه‌شتوگوزار، خوێندنی باڵا و توێژینه‌وه‌ی زانستی حكوومه‌تی هه‌رێم دابه‌ش ده‌كرێت.
ئه‌و سه‌رچاوه‌یه باسی له‌وه‌شكرد، به‌ڕێژه‌ی ٢١% لێبڕین له‌مووچه‌ی فه‌رمانبه‌ران و به‌ڕێژه‌ی ٥٠% له پله باڵاكان دابه‌شكردنی مووچه به‌رده‌وام ده‌بێت.
ئه‌مڕۆ پێنجشه‌ممه، مووچه‌ی مانگی (حوزه‌یران٦)ی ١٧ وه‌زاره‌ت و ده‌سته و داموده‌زگای حكوومه‌تی هه‌رێم دابه‌شكرا.
ئەم بابەتە 11990 جار خوێندراوەتەوە