Balikesîr di nava 10 saniyan de du caran hejiya

PeyamaKurd – Li navçeya Sindirgiyê ya bajarê Balikesîrê yê Tirkiyeyê, îro saet 10:34an de du erdhejan li pey hev rû da.

Li gorî daneyên Serokatiya Rêvebiriya Afat û Rewşa Awarte (AFAD), di nava 10 saniyan de erdhejek bi pileya 4.1 û ya din jî bi pileya 4.2 çêbû.

Hat ragihandin ku erdheja yekem 10.73 kîlometre û ya duyem jî 6.91 kîlometre di bin erdê de pêk hatiye. Ev lerizîn piştî erdheja bi pileya 5.1 a ku duh şev li heman navçeyê çêbûbû, qewimîn.

Erdhejên li pey hev, ne bi tenê li Balikesîrê, lê belê li bajarên cîran ên wekî Bûrsa û Yalovayê jî bi awayekî diyar hatin hiskirin.

Heta niha derbarê zirarên canî an malî de agahiyeke fermî nehatiye belavkirin.