DYAyê daxwaza vekisîna hebûna leskerî ya Ukraynayê ji Donetskê kir

PeyamaKurd – Di hevdîtinên DYA-Ukraynayê yên li Berlîn Almanyayê de, hate îdiakirin ku rêveberiya Washingtonê ji Kîevê xwestiye ku hebûna xwe ya leşkerî ji herêma Donetskê wekî beşek ji pêvajoya aştiyê bi Rûsyayê re vekişîne.

Hevdîtinên di navbera şandeya Ukraynayê ya bi serokatiya Serok Volodymyr Zelenskyy û şandeya DYAyê ya bi serokatiya Nûnerê Taybet ê Serok Donald Trump ji bo Rojhilata Navîn, Steve Witkoff û zavayê Trump Jared Kushner, li Berlînê bi dawî bûn.

Li gorî rayedaran, DYAyê ji Ukraynayê xwestiye ku ji bo gihîştina peymanek aştiyê ya mayînde bi Rûsyayê re, hêzên xwe ji herêma Donetskê vekişîne. Li gorî agahiyan, aliyê Ukraynayê daxwaza danûstandinên din li ser vê mijarê kiriye, bi taybetî destnîşan kiriye ku hîn jî li ser danûstandina axê tu peymanek nehatiye kirin.

Daxuyaniyan tekez kirin ku peymanek potansiyel wê garantiyên ewlehiyê yên mîna Xala 5an a NATOyê ji bo Ukraynayê dihewîne, lê ev garantî wê bêdawî nebin.

Rûsyayê berê ragihandibû ku herêma Donbassê li rojhilatê Ukraynayê, ku Donetsk û Luhansk û herwiha Kirimê jî di nav xwe de digire, tevlî kiriye. Ev herêm di nav mijarên herî krîtîk ên danûstandinên aştiyê de ne.